عەدنان کەریم
من ئەڵێم: پەپوولەیەک فڕی بە باڵی سەوز و سوورەوە من ئەڵێم: گوڵێ بە دەم شنەی شەماڵەوە بزەی بزووت تۆ ئەڵێی: چ بوو پەپوولەیەک فڕی یا نە سوورەگوڵ، زەردە کەوتە لێوی ناسکی من ئەڵێم: هەتا هەتایە دەوری جوانییە ئەمڕۆ گەر هەتاو کەسیرەیە نەماوە ئاگر و گڕی مێرگی ئاسمان بە سووتمانی هەوری لۆکەیی نەزۆک پڕ لە خاڵ و قۆپەنە خۆشەویستەکەم لە پەنجەرەی نیوەتاکی بوومەلێڵەوە چاوی من لە دیمەنی کچی بەیانییە لە حەنجەرەی زەمانەوە گوێم لە زەمزەمەی زوڵاڵی خیزە وردەکانی کانییە بەو دەمەت کە بۆنی سەد بەهاری لێوە دێ بۆنی دەشتی بەختیاری باوەشی چیا، بەدەستی با بە گوڵ چناوی، لێوە دێ بۆنی سەر سەکۆی بە کاگڵی، بە ئاوپژاوی، لێوە دێ پێم مەڵێ کە داکەوم پێم مەڵێ کە ئاڵی زاڵی شەو، چاوی بێخەوی چڕە پێم مەڵێ نەهاتنەوە ئەوەی کە چوون مەگری بۆ خەساری بێ گەڕانەوە ڕێگەمان دوور و سەخت و قاقڕە خۆشەویستەکەم هۆنراوە: #سوارە_ئیلخانیزادە
Min elêm: Pepûleyek firî be balî sewzû sûrewe Min elêm: Gulê be dem şiney şemalewe bizey bizût To elêy: Çi bû pepûleyek firî Ya ne sûregul, zerde kewte lêwî naskî Min elêm: Heta hetaye dewrî cwanîye Emro ger hetaw kesîreye nemawe agir û girî Mêrgî asman be sûtmanî hewrî lokeyî nezok Pir le xalû qopene Xoşewîstekem Le pencerey nîwetakî bûmelêlewe Çawî min le dîmenî kiçî beyanîye Le hencerey zemanewe Gwêm le zemzemey zulalî xîze wirdekanî kanîye Bew demet ke bonî sed beharî lêwe dê Bonî deştî bextyarî baweşî çya, bedestî ba Be gul çinawî, lêwe dê Bonî ser sekoy be kaglî, be awpijawî, lêwe dê Pêm melê ke dakewm Pêm melê ke alî zalî şew, çawî bêxewî çire Pêm melê nehatnewe ewey ke çûn Megrî bo xesarî bê geranewe Rêgeman dûrû sextû qaqre Xoşewîstekem Honrawe: #sware_’îlxanîzade