حوسێن سەفامەنش
کرماشانەگەم هەسارەی شەوم دامانەگەی تۆ گاپارەی خەوم نیشتمانەگەی سیروان و ئەڵوەن سەنگینی شاڵد ڕەنگینی سەروەن هەم کزەی مووری هەم شوورێ هوو هوو هاوزوانەگەی مانشت و شاهوو کرماشانەگەم تۆ کوردەواری تەنیا وە ڕەخشێ خوەمان سواری وە هەر میلکان و هەر هووز و تیرەی هەر یەی مەقام و وە یەی تەمۊرەی کرماشان زادەی تاریخێ دۊری کۊنە شەراوێ باخێ ئەنۊری ئەگەر زامێ بوو ت کاریتری وە هەر چوارپارچە دیاریتری تا ڕوژێ پشتد وە بیستۊن بوو دار و دەوارد کەی تەفرتۊن بوو کرماشانەگەم هەسارەی شەوم دامانەگەی تۆ گاپارەی خەوم نیشتمانەگەی سیروان و ئەڵوەن سەنگینی شاڵد ڕەنگینی سەروەن
Kirmaşanegem hesarey şewm Damanegey to gaparey xewm Nîştimanegey sîrwanû elwen Sengînî şald rengînî serwen Hem kizey mûrî hem şûrê hû hû Hawziwanegey maniştû şahû Kirmaşanegem to kurdewarî Tenya we rexşê xweman swarî We her mîlkanû her hûzû tîrey Her yey meqamû we yey temẅirey Kirmaşan zadey tarîxê diẅrî Kiẅne şerawê baxê enẅirî Eger zamê bû t karîtrî We her çwarparçe dyarîtrî Ta rujê piştid we bîstiẅin bû Darû deward key tefirtiẅin bû Kirmaşanegem hesarey şewm Damanegey to gaparey xewm Nîştimanegey sîrwanû elwen Sengînî şald rengînî serwen