عەدنان کەریم
دڵم وەک حاکمی مەعزوولە، قوربان! خەڵاتی وەسڵی تۆی مەنزوورە ئەمشەو دڵیش مایل بە دیدەی تۆیە، بۆیە لە من وەحشی و ڕەمیدە و دوورە ئەمشەو کە تۆی شای کەچ کولاهی دیدە مەستان، چ باکم قەیسەر و فەغفوورە ئەمشەو؟! لە خەو هەڵساوە، یا ئاڵۆزە چاوت؟ هەمیشە وایە، یا مەخموورە، ئەمشەو؟ سوروشکم نەقشی چاوی تۆ دەکێشێ جێگەم سەر دارەکەی مەنسورە ئەمشەو موسوڵمانان دەپرسن حاڵی نالی لە کونجی بێکەسی مەهجوورە ئەمشەو هۆنراوە: نالی
Dilim wek hakmî me’zûle, qurban! Xelatî weslî toy menzûre emşew Dilîş mayl be dîdey toye, boye Le min wehşîw remîdew dûre emşew Ke toy şay keç kulahî dîde mestan, Çi bakim qeyserû fexfûre emşew?! Le xew helsawe, ya aloze çawit? Hemîşe waye, ya mexmûre, emşew? Suruşkim neqşî çawî to dekêşê Cêgem ser darekey mensure emşew Musulmanan depirsin halî nalî Le kuncî bêkesî mehcûre emşew Honrawe: nalî