پەروین موشیروەزیری
نەمردم من ئەگەر ئەم جارە بێ تۆ نەچم شەرت بێ هەتا ئەم خوارە بێ تۆ دەروونم خاڵییە وەک نەی دەناڵێ هەوارێکی چ پڕ هاوارە بێ تۆ بیناییم کوێرە هەڵنایێ بە ڕووی کەس موژەم یەک یەک دەڵێی بزمارە بێ تۆ هەموو ئازاری ناڵینم دەناڵێ سەراپام میسلی مۆسیقارە بێ تۆ قەسەم بەو شەربەتی دیداری پاکت شەرابم عەینی ژەهری مارە بێ تۆ لە کن تۆ خار و خەس گوڵزارە بێ من لە کن من خەرمەنی گوڵ خارە بێ تۆ لە کن من با وجوودی ناس و ئەجناس کەسی تێدا نییە ئەم شارە بێ تۆ هەتا تۆم ئاشنا بووی ئاشنام بوون ئەمێستا موو بە مووم ئەغیارە بێ تۆ هەموو ڕۆژێ لە تاو هیجرانی ئەمساڵ تەمەننای مردنی پێرارە بێ تۆ لە حەسرەت سەروی قەددت چاوی نالی دوو جۆگە بەڵکوو دوو ڕووبارە بێ تۆ
Nemirdim min eger em care bê to Neçim şerit bê heta em xware bê to Derûnim xalîye wek ney denalê Hewarêkî çi pir haware bê to Bînayîm kwêre helnayê be rûy kes Mujem yek yek delêy bizmare bê to Hemû azarî nalînim denalê Serapam mîslî mosîqare bê to Qesem bew şerbetî dîdarî pakit Şerabim ’eynî jehrî mare bê to Le kin to xarû xes gulzare bê min Le kin min xermenî gul xare bê to Le kin min ba wicûdî nasû ecnas Kesî têda nîye em şare bê to Heta tom aşna bûy aşnam bûn Emêsta mû be mûm exyare bê to Hemû rojê le taw hîcranî emsal Temennay mirdinî pêrare bê to Le hesret serwî qeddit çawî nalî Dû coge belkû dû rûbare bê to