محەمەد ماملێ
پەشێو و دڵشکاوم وێڵی شاخ و کێوانم دەستەوئەژنۆ دانیشتووم منتەزیری کاروانم ئارامی لێ هەڵگرتووم دەڕوا ئارامی گیانم بەڵکوو بکا ڕوحمێک بە من ئەوڕۆ بێتە میوانم کاروانە هەی کاروانە کاروان بۆ وا بێباکی چەند خۆشە دەگەڵ یارێ چوارشەمۆ دەچمە چاکی دۆست گرتن بۆیە خۆشە بۆ غەریب و غەمناکی کاروان خۆ تۆ غەمت نییە بۆیە هێندە بێباکی غەمگین و پەرێشانم ئارامم نییە ساتێ سەفەرێکم کەوتە بەر ڕێیە هات و نەهاتێ چاوەڕێمە لە ڕێگا با کاروان بێ و بمگاتێ یارم دەگەڵ کاروانێ قەولە دوو ماچم داتێ کاروانە هەی کاروانە کاروان بۆ وا بێ هەستی بەشقی خودای قافڵەباشی ناکرێ تاوێک ڕاوەستی یاری من دەگەڵ تۆیە دەست دەنێمە ناو دەستی زۆر دەترسم نەیبینم ماچ کەم دوو چاوی مەستی کار و پیشەم بووە بەوە لەسەر ڕێیە ڕامێنم دەوروەبەری کاروانێ بە گوڵەباخ دەنەخشێنم هەر بەڵکوو بیبینمەوە یارەکەی غەمڕەوێنم بە غەریبی بیدوێنم دوو ماچی لێ بستێنم کاروانە هەی کاروانە کاروان کەوتە بن داران کیژ دەفرۆشن هەناران دانەی بەسەد دیناران بۆ جلکی نازەنینێ ساز دەبم دەچمە تاران ملوانێکی بۆ دێنم پەرەنگەی لە بازاڕان لەوێشڕا دەست نەکەوێ دەگەڕێم دەچمە شاران ئاواتی نازەنینم لە بۆی دێنم لە شاران کاروانە هەی کاروانە کاروان بۆ وا بێ هەستی بەشقی خودای قافڵەباشی ناکرێ تاوێک ڕاوەستی یاری من دەگەڵ تۆیە بە دەست کا بازنەی دەستی زۆر دەترسم نەیبینم ماچ کەم دوو چاوی مەستی
Peşêwû dilişkawim wêlî şaxû kêwanim Destew’ejno danîştûm mintezîrî karwanim Aramî lê helgirtûm derwa aramî gyanim Belkû bika ruhmêk be min ewro bête mîwanim Karwane hey karwane karwan bo wa bêbakî Çend xoşe degel yarê çwarşemo deçme çakî Dost girtin boye xoşe bo xerîbû xemnakî Karwan xo to xemit nîye boye hênde bêbakî Xemgînû perêşanim aramim nîye satê Seferêkim kewte ber rêye hatû nehatê Çawerême le rêga ba karwan bêw bimgatê Yarim degel karwanê qewle dû maçim datê Karwane hey karwane karwan bo wa bê hestî Beşqî xuday qaflebaşî nakirê tawêk rawestî Yarî min degel toye dest denême naw destî Zor detirsim neybînim maç kem dû çawî mestî Karû pîşem buwe bewe leser rêye ramênim Dewrweberî karwanê be gulebax denexşênim Her belkû bîbînmewe yarekey xemrewênim Be xerîbî bîdwênim dû maçî lê bistênim Karwane hey karwane karwan kewte bin daran Kîj defroşin henaran daney besed dînaran Bo cilkî nazenînê saz debim deçme taran Milwanêkî bo dênim perengey le bazaran Lewêşra dest nekewê degerêm deçme şaran Awatî nazenînim le boy dênim le şaran Karwane hey karwane karwan bo wa bê hestî Beşqî xuday qaflebaşî nakirê tawêk rawestî Yarî min degel toye be dest ka bazney destî Zor detirsim neybînim maç kem dû çawî mestî