عەلی نەزەر
چەترەگەد قنج کە تا خوەشنەما بوو تەرتیفی لەبان شخڵ و گوونا بوو ئەڕا تۆ نیەتیەی وە شینێ گەرمم پەلگەگەد شووڕ کەی لە بانێ تەرمم وەرجە مردنم وەسیەت کەم وە خیش دەسێ دووس بگرن گوونا نەکەی ڕیش چەترد جۊ لەولاو خستی وە لا کوچگانێ چەن کەس نایدە بان گا خوەم هام لە ئێڵاخ دووسم لە ژێربەن چەپ چەپ زڵفەگەد بکەم ڕیشەکەن زڕەی یەیدەسی پاوەن لە پامە من لەی شابادە کی هەواخوامە!؟ لە پەنج دەریەگە زڵف کەیدە شانە من کردیە وە سەنگ قاپی دەرانە بمارکد بوو -کۆرە نابەڵەی ماڵەگەی کەڵهۊلە بیمە- ئی فرمێ تازە خاس لەلێد کەفی قەد وەی ئەنازە قاڵ کەفتەو قەیتۊل -وەی وەی ڕۊ بکەن من مردمە- زڵە لەباخان دەر ماڵەگەی بیوەی شۊمردی بییە چراخان لەیرە تا ئەورە یە چەنی دۊرە! کلکی قاقز مەر تۊکێ سەمۊرە!
Çetreged qinc ke ta xweşnema bû Tertîfî leban şixil û gûna bû Era to nyetyey we şînê germim Pelgeged şûr key le banê termim Werce mirdinim wesyet kem we xîş Desê dûs bigirin gûna nekey rîş Çetird cü lewlaw xistî we la Kuçganê çen kes nayde ban ga Xwem ham le êlax dûsim le jêrben Çep çep zilfeged bikem rîşeken Zirey yeydesî pawen le pame Min ley şabade kî hewaxwame!? Le penc deryege zilf keyde şane Min kirdye we seng qapî derane Bimarkid bû -kore nabeley malegey kelihüle bîme- î firmê taze Xas lelêd kefî qed wey enaze Qal keftew qeytül -wey wey rü biken min mirdime- zile lebaxan Der malegey bîwey şümrdî bîye çiraxan Leyre ta ewre ye çenî düre! Kilkî qaqiz mer tükê semüre!