کەماڵ محەمەد
کوڕی شیرینم مەترسە جێت نایەڵم وەرە بەدوای شڵپ و وڕی قاچە ماندووەکانی منا لێم ون نابیت ئەوەتا شاخ و دەشت و دۆڵ شەستە و ڕەهێڵە و با و بۆران چۆکی بە گشتیان داداوە باوکە کۆڵ بە کۆڵەکەشت بە گژ گرمەی هەورا دەچێ و چارەی ڕەشی داوەتە بەر ڕقی ئاگری چەخماخە هێی هێی هێی پێ هەڵگرە پێ هەڵگرە، ئاگادار بە لێم ون نابی ڕۆڵە نازدارەکەی دایە، جووجە شیرینەکەی بابە دڵنیا بە ترست لە خێوی خەیاڵ و لە دێوی ئەفسانە نەبێ نەبێ نەبێ لەم هاتنە بێ شومارە لەم کۆچە گەلە یەکجارە لەم دیمەنە خەیاڵییە کە مێژوو بێ وی خاڵییە تارماییەکان تارماییەکان تارماییەکان لەژێر تاشەبەردی سپی و دەوەنی ڕەش و کلۆرا لە ترسانا هەموو هەڵدێن پەتۆکەی کۆڵت توند بگرە لێت نەکەوێ هەر بگەینە بن دیوارێک ئاسارێ کۆنەهەوارێک لەگەڵ پێڵووی چاوەکانما بۆت دەگوشم بۆت دەگوشم هێی کە برسیت بوو نەختێ نانی ڕەقم پێیە بە شەکری ڕۆحی منەوە بیکرمێنە کە سەرمات بوو باوەشی من ئاگری کزەی جەرگی من بەرقەرارە بەرقەرارە بە بەژنی ورد و ماندوو تا سەرنج دەدەم بەسەر چاوە گەشەکانتا چێژی عیبارەت دەڕێژیی وەکوو تاوانێکت هەبێ پەل دەهاوی خۆت بە گەورەیەک ئەزانی بەگەردێکی گەردوون نابی دەستم بگرە دەستم بگرە ئەزگوڕی تە لێم ون نابی بەسە زیتەی چاوەکانت بنوە کوڕم وا بەیانە بنوە کوڕم وا بەیانە هەور ئەگری و هاژەی چەمیش لەگەڵ باران نۆبەیانە لەگەڵ باران نۆبەیانە تۆ سنگی بابە لێفەتە منیش باران منیش باران شەوگارت شاد بنوە کوڕم وەکوو جاران ئەگەرچی تاوە تەرزەی شووم کەزییەکانی پەردە کولەی مەرگی منە تا بەیانی سەر و شانی بابە تۆ خۆش کە میحرابە بەسەر تۆدا دانەویوە پشتی بابە ئەگەر جارێک دڵۆپێ ئاو بە هێمنی ماچی کردی بزانە فرمێسکی منە خلیسکا بە ملی وردی بزانە ئەشکی بابەیە سەری کڕنۆشی بۆ بردی دەبم بە خۆراکی ژیانت مەحروومت ناکەم لەم جەژنە بە گەزی ئاهەم دەپێوم قاتە جلێ پڕ بەم بەژنە لەگەڵ عالەم و تەمەنی خەیاڵیتا خەیاڵیتا ئەگریم بەسەر چارەی ڕەشی مناڵیتا مناڵیتا جەژنانەکەت لە مشتایە نازانی هەستت دەربڕی چاوەرێی بووکی بەیانی تیشکی هەتاوی پێ بکڕی تیشکی هەتاوی پێ بکڕی
Kurî şîrînim metirse cêt nayelim Were bedway şilpû wirî qaçe manduwekanî mina Lêm win nabît Eweta şaxû deştû dol Şestew rehêlew baw boran Çokî be giştyan dadawe Bawke kol be kolekeşt Be gij girmey hewra deçêw Çarey reşî dawete ber riqî agir î çexmaxe Hêy hêy hêy Pê helgire pê helgire, agadar be lêm win nabî Role nazdarekey daye, cûce şîrînekey babe Dilnya be Tirist le xêwî xeyalû le dêwî efsane nebê nebê nebê Lem hatne bê şumare Lem koçe gele yekcare Lem dîmene xeyalîye Ke mêjû bê wî xalîye Tarmayyekan tarmayyekan tarmayyekan Lejêr taşeberdî sipîw dewenî reşû kilora le tirsana hemû heldên Petokey kolit tund bigre lêt nekewê Her bigeyne bin dîwarêk Asarê konehewarêk Legel pêlûy çawekanma bot deguşim bot deguşim Hêy Ke birsît bû nextê nanî reqim pêye Be şekirî rohî minewe bîkirmêne Ke sermat bû baweşî min Agir î kizey cergî min berqerare berqerare Be bejnî wirdû mandû ta serinc dedem Beser çawe geşekanta çêjî ’îbaret derêjîy Wekû tawanêkit hebê pel dehawî Xot be gewreyek ezanî Begerdêkî gerdûn nabî Destim bigre destim bigre ezgurî te Lêm win nabî Bese zîtey çawekanit Binwe kurim wa beyane Binwe kurim wa beyane Hewr egrîw hajey çemîş Legel baran nobeyane Legel baran nobeyane To singî babe lêfete Minîş baran minîş baran Şewgarit şad Binwe kurim wekû caran Egerçî tawe terzey şûm kezîyekanî Perde kuley mergî mine ta beyanî Serû şanî babe to xoş ke mîhrabe Beser toda danewîwe piştî babe Eger carêk dilopê aw be hêmnî maçî kirdî Bizane firmêskî mine xilîska be milî wirdî Bizane eşkî babeye serî kirnoşî bo birdî Debim be xorakî jyanit mehrûmit nakem lem cejne Be gezî ahem depêwim qate cilê pir bem bejne Legel ’alemû temenî xeyalîta xeyalîta Egrîm beser çarey reşî minalîta minalîta Cejnaneket le miştaye Nazanî hestit derbirî Çawerêy bûkî beyanî Tîşkî hetawî pê bikrî Tîşkî hetawî pê bikrî