ئیبراهیم خەیات
فاتمە دوو چاوی مەستت پڕ لە سیحری جوانییە پڕ شەرابی خۆشەویستی و عارەقی یەزدانییە بەژن و باڵاکەت نموونەی هەیکەلی یۆنانییە لار و لەنجەت مۆسیقایە بەستەیە گۆرانییە بووکی ڕازاوەی خەیاڵم گیانەکەم ست فاتمە تاقە پڕشنگێکی چاوت ئەوپەڕی ئاواتمە گەرچی دڵداری لە خاکی ئێمەدا ئەفسانەیە هەر بەتەنها بۆ کوڕی خاوەن تەلار و عانەیە گیانەکەم ئەمما دڵی من لەو دڵە شێتانەیە بێ ئەوەی هیچ شک بەرێ کوژراوی ئەو چاوانەیە هەر بەتەنها خۆشەویستی شک ئەبەم ست فاتمە سەروەتم ناوێ بزەی تۆ ئەوپەڕی ئاواتمە خۆشەویستی وا کە نامەی خوایە بۆ پێغەمبەران بەرز و ناسک وەک هەناسەی پڕ گوڵاوی دولبەران نەک وەکوو حەزکردنی دینار و گەوهەر پەروەران ئەو کەسانەی بۆ قڕانێ چەندە دڵیان هەڵوەران خەڵقی تر پارەپەرستی با بکەن ست فاتمە من بە تەنیا تۆ پەرستی ئەوپەڕی ئاواتمە زۆر کەڕەت وام لێ ئەکا داخی دەروونی پڕ گڕم بۆتی هەڵڕێژم سکاڵای ناسکی گەرم و گوڕم داخەکەم کاتێ کە دێمە بەردەمت واقی وڕم وام ئەشێوێنێ بە جۆرێ نایەڵێ هیچ دەربڕم
Fatme dû çawî mestit pir le sîhrî cwanîye Pir şerabî xoşewîstîw ’areqî yezdanîye Bejnû balaket nimûney heykelî yonanîye Larû lencet mosîqaye besteye goranîye Bûkî razawey xeyalim gyanekem sit fatme Taqe pirşingêkî çawit ewperî awatme Gerçî dildarî le xakî êmeda efsaneye Her betenha bo kurî xawen telarû ’aneye Gyanekem emma dilî min lew dile şêtaneye Bê ewey hîç şik berê kujrawî ew çawaneye Her betenha xoşewîstî şik ebem sit fatme Serwetim nawê bizey to ewperî awatme Xoşewîstî wa ke namey xwaye bo pêxemberan Berzû nask wek henasey pir gulawî dulberan Nek wekû hezkirdinî dînarû gewher perweran Ew kesaney bo qiranê çende dilyan helweran Xelqî tir pareperistî ba biken sit fatme Min be tenya to peristî ewperî awatme Zor keret wam lê eka daxî derûnî pir girim Botî helrêjim sikalay naskî germû gurim Daxekem katê ke dême berdemit waqî wirim Wam eşêwênê be corê nayelê hîç derbirim