فەتاح خوڕاسانە
دایە گیان بگری لە سەر خاکم کەوا شینم دەوێ زۆر بگری دایە گیان فرمێسکی خوێنینم دەوێ من گوڵی سەد ئارەزووی ژینم لە خاکا خەوتووە خاکی مەیدانی خەبات ڕەنگینی خوێنی من بووە دامەنیشە دایە گیان بۆ هاتنی من چاوەڕێ دڵنیا بە، بەسیەتی، بۆ دەنگی دەرگا مەگرە گوێ دایە گیان سوێندم بە فرمێسکی گەش و ئێشی دڵت دایە گیان سوێندم بە جەور و مەینەتی بێ حاسڵت من دەمێکە جەرگی سووتاندووم هەناسەی سەردی گەل دڵپڕی کردم غەم و دەسکورتی و ڕەنگ زەردی گەل من کوڕی کوردی شەهیدی ڕێی خەباتم دایە گیان کۆتری خوێنینی پەڕی باخی وڵاتم دایە گیان هەر وەکوو بێگانەیێ دڵ پڕ لە ناکامی و گرێ لەم هەموو دەستە نەبوو دەستێ بێ و دستم گرێ من لە شاری خۆم غەریب و بۆ هەموو بێگانە خوم کۆتری کوژراوی ڕێگای لانە خوم بێ لانە خۆم دایە گیان بگری لە سەر خاکم کەوا شینم دەوێ زۆر بگری دایە گیان فرمێسکی خوێنینم دەوێ دایە گیان ئەو کیژەی وا ویستت بە بووکی تۆ ببێت خۆت بدە بە پیشانی جارێک با بە هیوای من نەبێت تاکوو بتبینێ کە ڕەشپۆشی لە سەر تا پاتەوە بەڵکوو بڕوا و دڵنیا بێ و من لەبیر بباتەوە دایە گیان بگری لە سەر خاکم کەوا شینم دەوێ زۆر بگری دایە گیان فرمێسکی خوێنینم دەوێ
Daye gyan bigrî le ser xakim kewa şînim dewê Zor bigrî daye gyan firmêskî xwênînim dewê Min gulî sed arezûy jînim le xaka xewtuwe Xakî meydanî xebat rengînî xwênî min buwe Damenîşe daye gyan bo hatnî min çawerê Dilnya be, besyetî, bo dengî derga megre gwê Daye gyan swêndim be firmêskî geşû êşî dilit Daye gyan swêndim be cewrû meynetî bê hasilit Min demêke cergî sûtandûm henasey serdî gel Dilpirî kirdim xemû deskurtîw reng zerdî gel Min kurî kurdî şehîdî rêy xebatim daye gyan Kotrî xwênînî perî baxî wilatim daye gyan Her wekû bêganeyê dil pir le nakamîw girê Lem hemû deste nebû destê bêw distim girê Min le şarî xom xerîbû bo hemû bêgane xum Kotrî kujrawî rêgay lane xum bê lane xom Daye gyan bigrî le ser xakim kewa şînim dewê Zor bigrî daye gyan firmêskî xwênînim dewê Daye gyan ew kîjey wa wîstit be bûkî to bibêt Xot bide be pîşanî carêk ba be hîway min nebêt Takû bitbînê ke reşpoşî le ser ta patewe Belkû birwaw dilnya bêw min lebîr bibatewe Daye gyan bigrî le ser xakim kewa şînim dewê Zor bigrî daye gyan firmêskî xwênînim dewê