باست حەمەغەریب
قژکاڵی لێوئاڵی پرشنگی نیگاکاڵ ئەی کچە جوانەکەی سەرگۆنا نەختێک ئاڵ ئەی کچە مەنگەکەی بە دەنگی چپە دوو گەندەمووی دەموچاو مەچەک هەڵنەگرتوو ئەی ئەندام وردیلەی نەرمۆڵەی ئێسک سووک ئەی بەرگی ساکارت دڵگیرتر لە هی بووک ڕاستە من ڕێبوارم سەرپێیی ئەڕوانم بەڵام وا جوانیی تۆ کاری کرد لە گیانم ئەڵێی نەک هەر ئێستا عومرێکی درێژە بەو دەست و پەنجانەت برینم ساڕێژە ئەی کچە کاڵەکە جوانی تر با زۆر بن لە باغچەی بەهارا گوڵباخی بەر خۆر بن با ڕەنگیان پەرداخت بێ و جێگەیان سەرچڵ بێ بە واتەی خەڵکی تر با ناویان شاگوڵ بێ گیانی من بۆ تەڵێ وەنەوشە پەرۆشە کە لە ژێر سێبەری تووتڕکا خامۆشە لە هەموو ئاسمانا ئەستێرەی بەربەیان ئەخاتە دڵی من هەستێکی سپی و جوان لە تەختێک هەڵدەستێ هەزار و یەک نەغمە ئەوەیان شیرینتر دێتە گوێم زۆر نزمە کانییەکی ڕوونی بەر تریفەی مانگەشەو لە بنیا بلەرزێ مرواریی زیخ و چەو جوانترە لە لای من لە دەریای بێ سنوور شەپۆلی باتە بەر تیژگی خۆر شڵپ و هووڕ قژکاڵی لێوئاڵی پرشنگی نیگاکاڵ ئەی کچە جوانەکەی سەرگۆنا نەختێک ئاڵ دەربەست نیم ڕێبوارم دەربەست نیم ڕەوتەنیم ئەزانی شپرزە و دەربەستی ئێجگار چیم؟ هی ئەوەی نیگارێک لە یادم کێشراوە شۆخێکی نایابە بەڵام ئاخ بێ ناوە
Qijkalî lêw’alî pirşingî nîgakal Ey kiçe cwanekey sergona nextêk al Ey kiçe mengekey be dengî çipe dû Gendemûy demuçaw meçek helnegirtû Ey endam wirdîley nermoley êsk sûk Ey bergî sakarit dilgîrtir le hî bûk Raste min rêbwarim serpêyî erwanim Belam wa cwanîy to karî kird le gyanim Elêy nek her êsta ’umrêkî dirêje Bew destû pencanet birînim sarêje Ey kiçe kaleke cwanî tir ba zor bin Le baxçey behara gulbaxî ber xor bin Ba rengyan perdaxt bêw cêgeyan serçil bê Be watey xelkî tir ba nawyan şagul bê Gyanî min bo telê wenewşe peroşe Ke le jêr sêberî tûtrika xamoşe Le hemû asmana estêrey berbeyan Exate dilî min hestêkî sipîw cwan Le textêk heldestê hezarû yek nexme Eweyan şîrîntir dête gwêm zor nizme Kanîyekî rûnî ber tirîfey mangeşew Le binya bilerzê mirwarîy zîxû çew Cwantire le lay min le deryay bê sinûr Şepolî bate ber tîjgî xor şilpû hûr Qijkalî lêw’alî pirşingî nîgakal Ey kiçe cwanekey sergona nextêk al Derbest nîm rêbwarim derbest nîm rewtenîm Ezanî şipirzew derbestî êcgar çîm? Hî ewey nîgarêk le yadim kêşrawe Şoxêkî nayabe belam ax bê nawe