سەید عەلی سەردەشتی
حۆری مەرگە و بیتوێنێ پەریزادەی پشدەرێ دوو گۆزەی پێ بوو دوێنێ لە کانیە ئاوی بەرێ خۆی با هەڵدا لەبەر من تا لێی نەکەم نەزەرێ دوگمەی بەرۆکی ترازا و دوو لیمۆی کەوتە دەرێ لەوەتا لیمۆم دیون جندم هاتوونە سەرێ لەو دەمەیڕا دەگەڕێم بە هیچ شێخێ چا نابم هەموو گیانم کوڵیوە بە دایمە لە عەزابم بوومە سەیری عالەمێ شێتێکی بێ حیسابم ئەتۆش ڕوحمی خێرت بێ چاوەکەم ماڵە بابم خودا لێت قەبووڵ ناکا تا کەی لەو کارەیدا بم خودا لێت قەبووڵ ناکا تا کەی لەو حاڵەیدا بم چارەی ئەو شێت بوونەی من بە تۆیە ڕۆح و گیانم ئەتۆ شێخی موڕشیدی و من دێوانەی کێوانم شێتی دی بە زۆر دێنن من بۆ خۆم لێت میوانم بەو شێتیەی لەنێو دەچم ئەویش لە تۆ دەزانم حەقمە سەد هێندە شێت بم بۆ تۆ ئارامی دڵانم پەریم هاتوونە سەرێ چۆنیان خۆ نیشان داوم ئەگەر یارم دەبینن هەموو دێنە پێش چاوم هەی لە خۆم لێقەوماوێ بەدبەختی لێی ڕوو داوم کەس لە هاوارم نایە بێکەس و لێقەوماوم چاوی جەرگم کون دەکا و برۆی دەبڕێ هەناوم تازە قەت مەیلی نانێم منی شێخی سەنعانی بە یەک لەحزە وەرگەڕا دەیکرد بەرازەوانی بوو بە شوانی بەرازان داینا جبەی شێخانی ئەمنیش ئاوام بەسەر هات دوێنێ لە ڕێگای کانی لەبەر دەستی دەرناچم سوێند بە غەوسی گەیلانی شێتی دی بە زۆر دێنن من بۆخۆی لێ میوانم شێتی دی هاوار دەکەن لە لادێی و لە شاری ئارەزووی چی بێ دەیڵێ لێی دیار نییە حەیب و عاری خەراپ و چاک هەر بیڵێ هەرچی دێتە سەر زاری هەزار خێرخوای وا هەیە بێتە یارمەتی و کاری هەر ئەو دڵەی من بێ بەختە بە کەس چا نابێ کاری
Horî mergew bîtwênê perîzadey pişderê Dû gozey pê bû dwênê le kanye awî berê Xoy ba helda leber min ta lêy nekem nezerê Dugmey berokî tirazaw dû lîmoy kewte derê Leweta lîmom dîwin cindim hatûne serê Lew demeyra degerêm be hîç şêxê ça nabim Hemû gyanim kulîwe be dayme le ’ezabim Bûme seyrî ’alemê şêtêkî bê hîsabim Etoş ruhmî xêrit bê çawekem male babim Xuda lêt qebûl naka ta key lew kareyda bim Xuda lêt qebûl naka ta key lew haleyda bim Çarey ew şêt bûney min be toye rohû gyanim Eto şêxî murşîdîw min dêwaney kêwanim Şêtî dî be zor dênin min bo xom lêt mîwanim Bew şêtyey lenêw deçim ewîş le to dezanim Heqme sed hênde şêt bim bo to aramî dilanim Perîm hatûne serê çonyan xo nîşan dawim Eger yarim debînin hemû dêne pêş çawim Hey le xom lêqewmawê bedbextî lêy rû dawim Kes le hawarim naye bêkesû lêqewmawim Çawî cergim kun dekaw biroy debrê henawim Taze qet meylî nanêm minî şêxî sen’anî Be yek lehze wergera deykird berazewanî Bû be şwanî berazan dayna cibey şêxanî Emnîş awam beser hat dwênê le rêgay kanî Leber destî dernaçim swênd be xewsî geylanî Şêtî dî be zor dênin min boxoy lê mîwanim Şêtî dî hawar deken le ladêyû le şarî Arezûy çî bê deylê lêy dyar nîye heybû ’arî Xerapû çak her bîlê herçî dête ser zarî Hezar xêrxiway wa heye bête yarmetîw karî Her ew diley min bê bexte be kes ça nabê karî