محەمەد ماملێ
لەبەر نازی چاوبازان خواردن و خەوم خوێناوە بە تیری تیرەندازان چ بکەم جەرگم بڕاوە بە دەردی بێ دەرمانی، کەوتوومە سەرگەردانی بە جوابی لن ترانی چ بکەم جەرگم بڕاوە ئەی ئاوێنەی دڵبەری، زارت گوڵ زولفت زەڕی با هەناسەم نەتگرێ، ڕووی خۆت بێنە بەم لاوە بەس عومری من بە بادە، ڕووت بێنە زولفت لادە دڵ بۆیە نامورادە، بەو شەوە ڕۆژ گیراوە زولفت جێی بێقەراران، ڕووت ڕۆژی شەوبێداران ئامان ئەی شای گوڵزاران، ڕوحمێک تا ڕۆحم ماوە با شەو بڕوا سەحەر بێ، باغی گوڵان وەبەر بێ گەر تۆ مەیلت لە سەر بێ، کافر ئیسلامی ناوە دەستم لە تای زولفت دابوو بەڵام نەمزانی بۆچ دەمکوژی خۆ قوربان پردی سیڕات نەپساوە؟ لە سەر تاقی دوو ئەبرۆت مەیلی زولفان دەمکێشێ خۆ وەختە من کافر بم، چ بکەم قیبلەم گۆڕاوە لەبەر چاوت نەمزانی، بێ باغەبان گوڵچینم مەست بووم هۆشم لێ نەبوو، دەمم بۆ ڕووت هێناوە هاتم بە بۆنەی خاڵت، تووشی داوی زولفت بووم تەیرێکی نابەڵەد بووم نەمزانی دانە و داوە تو خودا دڵم مەشکێنە، با بزانم ڕووت وا بێنە ڕووتە یا گوڵی هەنارە؟ یا شەکرە سێوی خاوە؟ لە سایەی چاوەکانت بوومە ڕەندی خەرابات لەلای پیری مەیخانە خەرقەم لە گرەو مەی ناوە ئیمڕۆ سەبای مورادان کاسی کردم نەمزانی نە عەتری نافەی چینە و نە بۆنی زولفی خاوە؟ (جەرگم لەت لەتن وەک کۆتەی قەساب برینم زۆرن نایەنە حیساب شەوان خەڵوەتەن ماڵ بێ ئەغیارەن گشت عالەم خەوتوون یار خەبەردارەن تاوسی چەترباز تاوسە شینەکەم ڕەوشەنی حەیات دنیا و دینەکەم یا ڕەب تۆ حەجە و کەلاموڵا کەی ئەو غەمەی لە دڵم تەرت و توونا کەی) وەختێ ئارەق دەڕێژن بۆ کوشتنی وەفایی بە گوڵی کوڵمەت سوێند دەخۆم گەردن شووشەی گوڵاوە قەیتانی دوو لێوانت بەندی جەرگی پساندم کوفرت لەلام زاهیرە ڕوحمت لەلا نەماوە سڵاوم کرد لە یارێ، بە دڵێکی غەمگینەوە بە لەفزێکی زۆر شیرین جوابی سڵاوی داوە شێت و شەیدا و سەحرایی، دەگریم هەروەک وەفایی چ بکەم لەو دڵەی سەودایی، پەرییان دەستیان لێداوە؟
Leber nazî çawbazan xwardnû xewm xwênawe Be tîrî tîrendazan çibkem cergim birawe Be derdî bê dermanî, kewtûme sergerdanî Be cwabî lin tiranî çibkem cergim birawe Ey awêney dilberî, zarit gul zulifit zerî Ba henasem netgirê, rûy xot bêne bem lawe Bes ’umrî min be bade, rût bêne zulifit lade Dil boye namurade, bew şewe roj gîrawe Zulifit cêy bêqeraran, rût rojî şewbêdaran Aman ey şay gulzaran, ruhmêk ta rohim mawe Ba şew birwa seher bê, baxî gulan weber bê Ger to meylit le ser bê, kafir îslamî nawe Destim le tay zulifit dabû belam nemzanî Boç demkujî xo qurban pirdî sîrat nepsawe? Le ser taqî dû ebrot meylî zulfan demkêşê Xo wexte min kafir bim, çibkem qîblem gorawe Leber çawit nemzanî, bê baxeban gulçînim Mest bûm hoşim lê nebû, demim bo rût hênawe Hatim be boney xalit, tûşî dawî zulifit bûm Teyrêkî nabeled bûm nemzanî danew dawe Tu xuda dilim meşkêne, ba bizanim rût wa bêne Rûte ya gulî henare? ya şekire sêwî xawe? Le sayey çawekanit bûme rendî xerabat Lelay pîrî meyxane xerqem le girew mey nawe Îmro sebay muradan kasî kirdim nemzanî Ne ’etrî nafey çînew ne bonî zulfî xawe? (cergim let letin wek kotey qesab Birînim zorin nayene hîsab Şewan xelweten mal bê exyaren Gişt ’alem xewtûn yar xeberdaren Tawsî çetirbaz tawse şînekem Rewşenî heyat dinyaw dînekem Ya reb to hecew kelamula key Ew xemey le dilim tertû tûna key) Wextê areq derêjin bo kuştinî wefayî Be gulî kulmet swênd dexom gerdin şûşey gulawe Qeytanî dû lêwanit bendî cergî pisandim Kufirit lelam zahîre ruhimit lela nemawe Silawim kird le yarê, be dilêkî xemgînewe Be lefzêkî zor şîrîn cwabî silawî dawe Şêtû şeydaw sehrayî, degrîm herwek wefayî Çibkem lew diley sewdayî, perîyan destyan lêdawe?