لەیلا فەریقی
جێم نییە تیا بسرەوم خاکم بە سەر بێ کەس و بێ دەر بێ یار و هاودەم بێ مەی و مەیخانە خۆم یار دەڵێن تۆراوە لێم دەک بوتی بوتخانە خۆم وەی بە ڕیسوایی لە کووچەی شاردا دێوانە خۆم موستەحەقی تیر و تانەی ئاشنا و بێگانە خۆم مامە کوڕنووی ڕاکشاوی گردەکەی سەیوانەکەم سەر ڕەحەت دڵ بێ گرێ گوێ شل کە بۆ داستانەکەم سەیرە بەزمە هەڵپەڕینە پڕ لە قاقای خەندەیە نەعرەتەی گوێ کەڕ ئەکا جۆش و کوڵی سەیوانەکەم مامە کوڕنووی ڕاکشاوی گردەکەی سەیوانەکەم سەر ڕەحەت دڵ بێ گرێ گوێ شل کە بۆ داستانەکەم ئەرخەوان سوورە بەهارە گوڵشەنە ڕازاوەیە دەشت و کۆ ڕەنگین و پڕشۆیە وەنەوشەی یانەکەم مامە کوڕنووی ڕاکشاوی گردەکەی سەیوانەکەم سەر ڕەحەت دڵ بێ گرێ گوێ شل کە بۆ داستانەکەم خەرمەنی لالە لە کێوساران و پێدەشت و نشێو سوورترە لەو خوێنە باریوەی کوڵی گریانەکەم مامە کوڕنووی ڕاکشاوی گردەکەی سەیوانەکەم سەر ڕەحەت دڵ بێ گرێ گوێ شل کە بۆ داستانەکەم کوڕنوو: ئەحەی کوڕنوو، ناوی ئەحمەدی کوڕنووە لە زەمانی کاک ئەحمەدی شێخا نۆکی کوڵانووە، لەبەر ئەوەی پیاوێکی خۆش مەشرەب و قسەخۆش بووە و حەرەکاتی سەیر و سەمەرەی کردووە و بۆتە هۆی بەزم و پێکەنین و خۆشی، کاک ئەحمەد بردوویەتی بۆ حەج. پیاوێکی عاقڵ و هۆشمەند بووە... گاڵتەی بە ناهەمواری زەمانە هاتووە. خەڵکی شاری سلێمانی بووە و هەر لەوێش کۆچی دوایی کردووە. گردی سەیوان: بەناوبانگترین گۆڕستانی شاری سلێمانییە کە ژمارەیێکی زۆر لە زانایان و شاعیرانی کورد لەوێدا نێژراون. سەر ڕەحەت: مێشک هێمنە و بە هیچ کارێکی ناڕەواوە خەریک و ماندوو نییە. گوێ شل کە: گوێ بگرە. نەعرەتە: بۆ دەنگ و هاوارێکی بەرز و بەهێز بەکار دێت و وەک ئەڵێن: نەعرەتەی شێر یا نەڕەی شێر. پڕ شۆیە: تەڕ و تووشە. یانەکەم: خانەکەم، خانووەکەم.
Cêm nîye tya bisrewm xakim be ser Bê kesû bê der bê yarû hawdem bê meyû meyxane xom Yar delên torawe lêm dek butî butxane xom Wey be rîswayî le kûçey şarda dêwane xom Musteheqî tîrû taney aşnaw bêgane xom Mame kurnûy rakşawî girdekey seywanekem Ser rehet dil bê girê gwê şil ke bo dastanekem Seyre bezme helperîne pir le qaqay xendeye Ne’retey gwê ker eka coşû kulî seywanekem Mame kurnûy rakşawî girdekey seywanekem Ser rehet dil bê girê gwê şil ke bo dastanekem Erxewan sûre behare gulşene razaweye Deştû ko rengînû pirşoye wenewşey yanekem Mame kurnûy rakşawî girdekey seywanekem Ser rehet dil bê girê gwê şil ke bo dastanekem Xermenî lale le kêwsaranû pêdeştû nişêw Sûrtire lew xwêne barîwey kulî giryanekem Mame kurnûy rakşawî girdekey seywanekem Ser rehet dil bê girê gwê şil ke bo dastanekem Kurnû: ehey kurnû, nawî ehmedî kurnuwe le zemanî kak ehmedî şêxa nokî kulanuwe, leber ewey pyawêkî xoş meşrebû qisexoş buwew herekatî seyrû semerey kirduwew bote hoy bezmû pêkenînû xoşî, kak ehmed birdûyetî bo hec. pyawêkî ’aqlû hoşmend buwe... galtey be nahemwarî zemane hatuwe. xelkî şarî silêmanî buwew her lewêş koçî dwayî kirduwe. Girdî seywan: benawbangitrîn goristanî şarî silêmanîye ke jimareyêkî zor le zanayanû şa’îranî kurd lewêda nêjrawin. Ser rehet: mêşk hêmnew be hîç karêkî narewawe xerîkû mandû nîye. Gwê şil ke: gwê bigre. Ne’rete: bo dengû hawarêkî berzû behêz bekar dêtû wek elên: ne’retey şêr ya nerey şêr. Pir şoye: terû tûşe. Yanekem: xanekem, xanuwekem.