های لێ های لێ های لاوە کەسم وەی کەزیەت گیابەند و خاوە
پانیەت قەیسی هەڵوێنی باوان وەی بەو دارێوە دەتڵاوە
من هەزار خۆزگەم بەو کەسەی باوان وەی دەمی دەو دەمەت ناوە
هەی ئەگەر نابی بە یارم باوان وەی خوداحافیز ماڵاوا
هاتەوە تەیرەکەی گەرمێنێ کەسم وەی هێشتا دوورە دەخوێنێ
هاتەوە بێتەوە تەیرەکەی گەرمێنێ کەسم وەی هێشتا دوورە دەخوێنێ
هەی لە شەقەی تیژباڵێی دا وەی گۆلاوان دەشڵەقێنێ
من هەزار خۆزگەم بەو کەسەی باوان وەی دەس لەو گەردنێت وەردێنێ
بەژنێ باریک هەڵدەگرم باوان وەی بۆ وڵاتەکەی نەڵێنێ
هاتەوە تەیرەکەی گەرمێنێ کەسم وەی بەو تەیرەی دەڵێن ڕەش داڵە
باڵ و تیژباڵی خۆی لێدا باوان وەی نیشت لەو چیایەی سەر یاڵە
دۆس لە ماڵی زۆر نییە باوان وەی بە بەختە و بە ئیقباڵە
من هەزار خۆزگەم بەو کەسەی باوان وەی لەگەڵ ئەتۆ هاوماڵە
هاتەوە تەیرەکەی گەرمێنێ کەسم وەی بەو تەیرەی دەڵێن پەڕپووتە
باڵ و تیژباڵی خۆی لێدا چاوجوان وەی لە شوێن یارێی وا ڕووتە
باڵ و تیژباڵی خۆی لێدا کەسم وەی میسل ئەو مەلێ سیاسووتە
من هەزار خۆزگەم بەو تەیرە باوان جا لەگەڵ جووت بەستێی جووتە
من هەزار خۆزگەم بەو کەسەی باوان جا لەگەڵ ئەتۆ هاوجووتە