باست حەمەغەریب
ژینم وەک خەوێ هاتە پێش چاوی کوردستان تێر تێر نەژیام لە ناوی پێیدا بگەڕێم بێ کۆسپ و سنور بە ڕاست و چەپدا بەرەو خوار و ژوور ئێستا بە خەیاڵ دێمە سەیرانی ئاخۆ چ ڕۆژێک دێمە سەیوانی کامە ترۆپکەی سپی و بەرز بوو کامە بەندەنی سەخت و سەوز بوو کام مێرغوزارەی تەڕ و پاراو بوو کام ڕۆژ ئاسمانی شین و هەساو بوو گەر تا هەتایەش لە پێش چاو نەبن تاسەی سەرنجیان هەر نایەن لە بن دەمی کۆتایی وەرزی هاوینێ کە «گوڵە جوتێرە» سەری دەردێنێ دیسان ژینەوەی گیای وەرزی پایز مژدە دەخاتە دڵی پەست و زیز تیشکی هەتاوی پاش پەڵە باران وە ڕەنگ دەهێنێ پەل و پۆی داران تا دەمی پایز «کیڤار و ئەستێر» لە کوێستان سەوزن «سا یادیان بەخێر» زستان ڕەهێڵە و باران و بەفر دەسڕێ تۆزی ڕێی ڕەشماڵ و کەپر خۆزگە ئەخوازن گەنج بە ڕابردوو بە چپەی دوانی ژوانی دوو بە دوو گەنج پەکو پەکوی ڕابوردوویانە کە نای بینینەوە ئاخ و ئۆفیانە دێتەوە یادیان پۆلی نازداران لە پێش تاوڵی بوون، دەمی ئێواران چاو بە ئیشارەت، دەم بە پێکەنین لە پەری جوانتر، هەرچەندەکەنین ئاخ پایز وادێ وەرزی مردنە وەرزی جودایی و پەنا بردنە مەرگی سەوزە گیا، هی گوڵ و گوڵزار کاتی زەرد بوونی گەڵا و گۆڵی دار بە درێژی وەرزی زستان سەرانسەر سەد نائومێدی سەختت دێتە بەر هەتاکو بەهار دەگەڕێتەوە لاپەڕەیەکی یاد ئەکرێتەوە بەهار لەشکری هەور و لێشاوی کە پڕ لە داخە، تێکڕای هەناوی نیشانەی زستان پاک ئەشواتەوە پیشی تووڕەیی چاک ئەخواتەوە گوڵە حاجیلە، هێرۆ، نەستەرەن مێلاقە، شلێر، شەقایق، سەوسەن شەوبۆ، وەنەوشە، خاتوونە، نەسرین لە ڕەنگی ئاڵ و سەوز و زەرد و شین هەڵزو گیابەند و کەنێرە و کەما بە شنەی فێنک دەکەونە سەما لەگەڵ گیای ناسک وەکوو دڵداران لەیەک دەئاڵێن هەموو بەهاران کە پلوسکی گەورەی بەفراو ئەبینی گەرەکتە دەمت بخەیتە بینی لەسەر لوتکەی ڕاز دەڕژێنە خوارێ دەیکەنە گرمە و هاژە بە جارێ لەعل و مرواری، لەوان دەپرژێ ئەفسوونی جوانی لەوان هەڵدەڕژێ دەبێتە بازنەی حەوت ڕەنگی بەر خۆر دەڕازێتەوە سروشت هەمە جۆر لە دەم ئاوەڕۆی ئەو نشێوانە جوانی بێ ڕادە و چەند و پێوانە بەر ڕۆژ و نسێ و هەوراز و نەوی بەرزی ئاسمان و ڕووبەری زەوی هەستی هۆنەر و هەستی هونەرمەند ناتوانێ دەری ببڕێ چۆن و چەند جا وەرە سەیری پۆلی ڕەشماڵان هاتوونەتەوە جێگاکەی ساڵان پیرۆز و خونچە و نەشمیل و ئەستێ یەک مەڕ ئەدۆشێ یەک ڕائەوەستێ زارا و نەسرین و بەهار و کاڵێ یەک بەرەو کانی یەک بەرەو ماڵێ کیژی چاو مەستی ئەو هەوارانەن فریشتەی ئاشتی ئەو کۆسارانەن شەیدای شمشاڵی سەر بەردە بێرن هەقیانە چونکە بەو جۆرە فێرن بەڵام هەزار ئاخ، هەزار هەزار ئاخ ئەمساڵ کۆچەری نایەنە ئێڵاخ نابنە میوانی ئەمساڵی بنار بێ ڕووناکییە بێ ئەوان بەهار چۆڵە هەواری تەنگی «سلێمانی» هی «دۆڵە کۆکێ و بەردە هەسانی» هەواری«گوێزڵێ و چواس و بێ دەلان گەوەڕە، زەڵێ، تووژەڵە، قۆرغان» هەموویان چۆڵن وێران کراون بەزۆر بۆ دەشتی گەرمێن براون ئاخ بۆ وڵاتمان لێ دەشێوێنن؟ دێهات و باخمان بۆ دەسووتێنن! وەدەرمان دەنێن لە خاکی خۆمان ئێمەش وەسیەتە و جێماوە بۆمان کە سەر شۆڕ نەکەین لە ئاست داگیرکەر ڕۆژێک دێت شەبەق دەیانکەینە دەر 1979/06/23 زیندانی موسڵ، بەشی سێدارە #کوردستان #باست_حەمە_غەریب هۆنراوە: #شەهید_مەلا_عەلی وەرگیرانی دەق: vejin.net
Jînim wek xewê hate pêş çawî Kurdistan têr têr nejyam le nawî Pêyda bigerêm bê kospû sinur Be rastû çepda berew xwarû jûr Êsta be xeyal dême seyranî Axo çi rojêk dême seywanî Kame tiropkey sipîw berz bû Kame bendenî sextû sewz bû Kam mêrxuzarey terû paraw bû Kam roj asmanî şînû hesaw bû Ger ta hetayeş le pêş çaw nebin Tasey sernicyan her nayen le bin Demî kotayî werzî hawînê Ke «gule cutêre» serî derdênê Dîsan jînewey gyay werzî payz Mijde dexate dilî pestû zîz Tîşkî hetawî paş pele baran We reng dehênê pelû poy daran Ta demî payz «kîvarû estêr» Le kwêstan sewzin «sa yadyan bexêr» Zistan rehêlew baranû befir Desrê tozî rêy reşmalû kepir Xozge exwazin genc be rabirdû Be çipey dwanî jwanî dû be dû Genc peku pekwî raburdûyane Ke nay bînînewe axû ofyane Dêtewe yadyan polî nazdaran Le pêş tawlî bûn, demî êwaran Çaw be îşaret, dem be pêkenîn Le perî cwantir, herçendekenîn Ax payz wadê werzî mirdine Werzî cudayîw pena birdine Mergî sewze gya, hî gulû gulzar Katî zerd bûnî gelaw golî dar Be dirêjî werzî zistan seranser Sed na’umêdî sextit dête ber Hetaku behar degerêtewe Lapereyekî yad ekirêtewe Behar leşkirî hewrû lêşawî Ke pir le daxe, têkray henawî Nîşaney zistan pak eşwatewe Pîşî tûreyî çak exwatewe Gule hacîle, hêro, nesteren Mêlaqe, şilêr, şeqayq, sewsen Şewbo, wenewşe, xatûne, nesrîn Le rengî alû sewzû zerdû şîn Helzu gyabendû kenêrew kema Be şiney fênk dekewne sema Legel gyay nask wekû dildaran Leyek de’alên hemû beharan Ke piluskî gewrey befraw ebînî Gerekte demit bixeyte bînî Leser lutkey raz derjêne xwarê Deykene girmew haje be carê Le’lû mirwarî, lewan depirjê Efsûnî cwanî lewan helderjê Debête bazney hewt rengî ber xor Derazêtewe siruşt heme cor Le dem aweroy ew nişêwane Cwanî bê radew çendû pêwane Ber rojû nisêw hewrazû newî Berzî asmanû rûberî zewî Hestî honerû hestî hunermend Natwanê derî bibrê çonû çend Ca were seyrî polî reşmalan Hatûnetewe cêgakey salan Pîrozû xunçew neşmîlû estê Yek mer edoşê yek ra’ewestê Zaraw nesrînû beharû kalê Yek berew kanî yek berew malê Kîjî çaw mestî ew hewaranen Firîştey aştî ew kosaranen Şeyday şimşalî ser berde bêrin Heqyane çunke bew core fêrin Belam hezar ax, hezar hezar ax Emsal koçerî nayene êlax Nabne mîwanî emsalî binar Bê rûnakîye bê ewan behar Çole hewarî tengî «silêmanî» Hî «dole kokêw berde hesanî» Hewarî«gwêzlêw çwasû bê delan Gewere, zelê, tûjele, qorxan» Hemûyan çoln wêran kirawin Bezor bo deştî germên birawin Ax bo wilatman lê deşêwênin? Dêhatû baxman bo desûtênin! Wederman denên le xakî xoman Êmeş wesyetew cêmawe boman Ke ser şor nekeyn le ast dagîrker Rojêk dêt şebeq deyankeyne der 1979/06/23 Zîndanî musil, beşî sêdare #kurdistan #bast_heme_xerîb Honrawe: #şehîd_mela_’elî Wergîranî deq: vejin.net