عەدنان کەریم
من برۆی پەیوەستی ئەو نازدارە شیر و تیرمە پرچی لوول و زۆڵفی ئاڵۆز کۆتە و زەنجیرمە سوجدە بردن بۆ نیگایەک کردەوە و تەفکیرمە گۆشەیی مەیخانە دایم، قوژبنی مەیخانە دایم، گۆشەیی تەدبیرمە شێخی ئەو پیر و موسینە من جوانێ پیرمە نەکەی هەرگیز نەمامی گوڵ ببێتە سێبەر و سایەت بە نینۆک گەر بژاری کەی بە پووڵی بەرهەم و مایەت ئەی بۆنی وەفا و عەهدە بە هیچ جۆرێ لە گوڵ نایەت هەتا ماوم ئەچێنم تۆوی هەر خارێ لە دڵ شایەت کە بێی بۆ سەر مەزارم دامەنت بگرن ئەگەر مردم دڵم هەر ئەو دڵەی جارانە ئێستاکەش ئەناڵێنێ هەناسەی ساردی ناکامی لە سینەمدا ئەتاسێنێ ئەگەر جوانیت سەرنجم ڕابکێشێ مەگرە لێم چونکە جەماڵت پەیکەری ڤینۆسی خوای جوانیش ئەجووڵێنێ پەچەت لادە ببینم ڕووت ئەمن خۆ سەیری تۆ ناکەم لە ڕووی تۆ تێدەگەم یەزدان چلۆن نەخشی ئەنەخشێنێ کە تیشکی ڕۆژ ئەدا زاخاوی پرچی زەردی زێڕینت لەلام قەوس و قەزەح هیچ ڕەونەق و شەوقێکی نامێنێ تەمەن ڕوو بۆ خەزان دەڕوا کەچی گەردوون ئەوا تازە لە وێرانەی دڵا تۆوی گوڵی دڵداری ئەڕوێنێ بە چەشنێ خۆشەویستی تۆ لە سینە و کەللەما چەسپا مەگەر جامی ئەجەل ئەو تین و تاوەی لێ هەڵێنجێنێ دڵم هەر ئەو دڵەی جارانە ئێستاکەش ئەناڵێنێ هەناسەی ساردی ناکامی لە سینەمدا ئەتاسێنێ ئەگەر جوانیت سەرنجم ڕابکێشێ مەگرە لێم چونکە جەماڵت پەیکەری ڤینۆسی خوای جوانیش ئەجووڵێنێ هۆنراوە: #ئەخۆل
Min biroy peywestî ew nazdare şîrû tîrme Pirçî lûlû zolfî aloz kotew zencîrme Sucde birdin bo nîgayek kirdewew tefkîrme Goşeyî meyxane daym, qujbinî meyxane daym, goşeyî tedbîrme Şêxî ew pîrû musîne min cwanê pîrme Nekey hergîz nemamî gul bibête sêberû sayet Be nînok ger bijarî key be pûlî berhemû mayet Ey bonî wefaw ’ehde be hîç corê le gul nayet Heta mawim eçênim towî her xarê le dil şayet Ke bêy bo ser mezarim damenit bigirin eger mirdim Dilim her ew diley carane êstakeş enalênê Henasey sardî nakamî le sînemda etasênê Eger cwanît serincim rabkêşê megre lêm çunke Cemalit peykerî vînosî xway cwanîş ecûlênê Peçet lade bibînim rût emin xo seyrî to nakem Le rûy to têdegem yezdan çilon nexşî enexşênê Ke tîşkî roj eda zaxawî pirçî zerdî zêrînit Lelam qewsû qezeh hîç rewneqû şewqêkî namênê Temen rû bo xezan derwa keçî gerdûn ewa taze Le wêraney dila towî gulî dildarî erwênê Be çeşnê xoşewîstî to le sînew kellema çespa Meger camî ecel ew tînû tawey lê helêncênê Dilim her ew diley carane êstakeş enalênê Henasey sardî nakamî le sînemda etasênê Eger cwanît serincim rabkêşê megre lêm çunke Cemalit peykerî vînosî xway cwanîş ecûlênê Honrawe: #exol