عەدنان کەریم
کۆچی کوردان وا بە کاروان دێ لە ڕێی شارانەوە ڕۆژ بە باری قورس و برسی، شەو لە بەر بارانەوە نیشتمانی خۆمە دەیپێوم، مەڵێن ئاوارەیە گەرچی بێ ڕەشماڵ و پێخواسم لە کۆسارانەوە ڕێگە دوورە و خێڵی ماندوو، لێوبەبار و پێ پەتی چاو بە ئەسرین دێنە پیری کۆچەکەی یارانەوە نایە سۆزی دەنگی گۆرانی، هەوارە و کۆچی سوور کاروان گوێی داوەتە ناڵەی بریندارانەوە بۆ مناڵێ تەرمی دایکی خۆی بە جێ دێڵێ و ئەچێ ئاسمان دەگری، مەلان دەگرین بەسەر دارانەوە دەنگی تۆپ و تیری دوژمن دێ لە شوێنی کۆچەوە جێ هەواران وا بە دەستی سووری زۆردارانەوە
Koçî kurdan wa be karwan dê le rêy şaranewe Roj be barî qursû birsî, şew le ber baranewe Nîştimanî xome deypêwim, melên awareye Gerçî bê reşmalû pêxwasim le kosaranewe Rêge dûrew xêlî mandû, lêwbebarû pê petî Çaw be esrîn dêne pîrî koçekey yaranewe Naye sozî dengî goranî, hewarew koçî sûr Karwan gwêy dawete naley birîndaranewe Bo minalê termî daykî xoy be cê dêlêw eçê Asman degrî, melan degrîn beser daranewe Dengî topû tîrî dujmin dê le şwênî koçewe Cê hewaran wa be destî sûrî zordaranewe