هانی موجتەهیدی
بمشارەوە لە چاوی شار لەم خەڵکە بێ بەزەییە لەم زەمانە سارد و سڕەی لە گشت سۆزێک بێ بەرییە لە مەملەکەتی ڕەشەبا و تاعوونیشا خۆشم ئەوێی تۆش وەرە ناو چاوانمەوە گوڵم نەبا هەڵبووەرێی لەوەتەی تۆم خۆش ویستووە نەفرەتێک شوێنم کەوتووە زمانی شار هەر وەکوو مار شوێن ماچەکانمان کەوتووە ئاخر گوڵم، بەم عەشقەی تۆ کفرێکی گەورەم کردووە بە سۆزی تۆ بتەکانی هەموو شارم شکاندووە بمشارەوە لە نیگایەکی نێو خۆتا تا ون نەبووم تا ئەم ڕۆژگاری دووکەڵە هەموو تەمەنی نەبردووم بە چپە سۆزت ئەدوێنم بە نیگای تەڕ عەشق ئەکەین لەم شارە بێ داڵدەیەدا لە کام دەرگای خەونا بدەین لێناگەڕێن خەونی گوڵێ خەونی گەڵایێک بێتە دی گۆرانی چی و پەپوولەی چی ئێوارەی چی و گۆرانی چی مەگەر خەونێ داڵدەمان بات تێیدا ببین بە دوو باڵدار دوور دوور بفڕین دوور دوور بڕۆین نەمانگاتێ زمانی شار
Bimşarewe le çawî şar lem xelke bê bezeyye Lem zemane sardû sirey le gişt sozêk bê berîye Le memleketî reşebaw ta’ûnîşa xoşim ewêy Toş were naw çawanmewe gulim neba helbuwerêy Lewetey tom xoş wîstuwe nefretêk şwênim kewtuwe Zimanî şar her wekû mar şwên maçekanman kewtuwe Axir gulim, bem ’eşqey to kifrêkî gewrem kirduwe Be sozî to bitekanî hemû şarim şikanduwe Bimşarewe le nîgayekî nêw xota ta win nebûm Ta em rojgarî dûkele hemû temenî nebirdûm Be çipe sozit edwênim be nîgay ter ’eşq ekeyn Lem şare bê daldeyeda le kam dergay xewna bideyn Lênagerên xewnî gulê xewnî gelayêk bête dî Goranî çîw pepûley çî êwarey çîw goranî çî Meger xewnê daldeman bat têyda bibîn be dû baldar Dûr dûr bifrîn Dûr dûr biroyn Nemangatê zimanî şar