لەیلا فەریقی
ئەمن ڕەگێک بووم ڕەگی گوڵەباخ ڕوابووم، سروشتی، لە داوێنی شاخ با هەڵیکەندم، با هەڵیگرتم دەریا بە دەریا دنیای پێ کردم فڕێی دام لە ناو دڕک و داڵستان جەرگم هەڵتۆقی لە تاو کوردستان ئێستاش دەترسم ئاوارە بمرم لەشم چقڵ بێ، گوڵەباخ نەگرم بۆن و بەرامەم نەگاتە یاران جوانیم نەبینن پۆلی دڵداران هۆزار لە دیارم فرمێسک نەڕێژن سترانی ئەوین بە دڵ نەبێژن یاران، هۆزاران سوێند بێ بە ژیانم عشقی ئێوەیە هەواری گیانم یادی ئێوەیە سڕڕی مانەوەم خەمی ئێوەیە هۆی ژیانەوەم ئێوە دوور نین لێم لە ناو دەماران خوێنن، خرۆشن لە شەوی تاران گەر لە دووریشدا سەرم نایەوە بڵێن گوڵەباخ ڕووسوور مایەوە ئەمن ڕەگێک بووم ڕەگی گوڵەباخ ڕوابووم، سروشتی، لە داوێنی شاخ با هەڵیکەندم، با هەڵیگرتم دەریا بە دەریا دنیای پێ کردم
Emin regêk bûm regî gulebax Rwabûm, siruştî, le dawênî şax Ba helîkendim, ba helîgirtim Derya be derya dinyay pê kirdim Firêy dam le naw dirk û dalistan Cergim heltoqî le taw kurdistan Êstaş detirsim aware bimirim Leşim çiqil bê, gulebax negirim Bon û beramem negate yaran Cwanîm nebînin polî dildaran Hozar le dyarim firmêsk nerêjin Sitranî ewîn be dil nebêjin Yaran, hozaran swênd bê be jyanim ’işqî êweye hewarî gyanim Yadî êweye sirrî manewem Xemî êweye hoy jyanewem Êwe dûr nîn lêm le naw demaran Xwênin, xiroşin le şewî taran Ger le dûrîşda serim nayewe Bilên gulebax rûsûr mayewe Emin regêk bûm regî gulebax Rwabûm, siruştî, le dawênî şax Ba helîkendim, ba helîgirtim Derya be derya dinyay pê kirdim