لەیلا فەریقی
من لێرەم و شەو لێرەیە و تۆ لەوێیت و مانگ دیار نییە دنیا ماتە و دڵ لێدەدا لە سووتاندا دڵدار نییە شەو بێدەنگە و بێدەنگییەکەی کەللەی شێواوم کاس دەکا تۆ بێدەنگی و من بێدەنگیم داستانی تۆم بۆ باس ئەکا تۆ دووری لێم تۆ ونی لێم ونبوونەکەت لێم دەگەڕێ ئەی هەورەکە هەواڵێکت هەڵنەگرتووە بۆ من ئەرێ ئەی ڕووباری ڕێبازی کۆچ تۆفانەکەت کەی ئەنیشێ لافاو بەسەر بوونم گەڕا بیرم لە کوێ دابنیشێ تۆ کۆچیت و هاتنەکەت شەوم بە دیاری بۆ دێنێ تۆ ڕەشەبای خەزانەکەت لە هەزار شوێن دامدەچێنێ تۆ شەویت و تاریکاییت وەک چرا دامدەگیرسێنێ تۆ هەویت و بێ خەوییەکەت خەوی قورسم دەڕەنجێنێ
Min lêremû şew lêreyew to lewêytû mang dyar nîye Dinya matew dil lêdeda le sûtanda dildar nîye Şew bêdengew bêdengîyekey kelley şêwawim kas deka To bêdengîw min bêdengîm dastanî tom bo bas eka To dûrî lêm to winî lêm winbûneket lêm degerê Ey hewreke hewalêkit helnegirtuwe bo min erê Ey rûbarî rêbazî koç tofaneket key enîşê Lafaw beser bûnim gera bîrim le kwê dabnîşê To koçîtû hatneket şewm be dyarî bo dênê To reşebay xezaneket le hezar şwên damdeçênê To şewîtû tarîkayît wek çira damdegîrsênê To hewîtû bê xewîyeket xewî qursim derencênê