شێرکۆ بێکەس
مردن ئێجگار بەو شێوەیە ترسناک و خەتەر نییە وەکوو خەڵکی باسی ئەکەن من بە باوکما ئەزانم شەس ساڵ لە لای مردنە و دوێنێ کە هاتەوە ماڵێ گۆڕانی وا نەگۆڕابوو کە ئێمە نەیناسینەوە ڕاستە مردن دەم و چاوی هەندێ شێعری تا ڕادەیەک پیر کردبوو ڕاستە مردن هەندێ چرچ و لۆچی تازەی خستبووە نێو قسەیەوە کەمێک ڕەنگی هیواکانی زەرد کردبوو! بەڵام هەرگیز نەوەریبوون لەبیر ساڵ نەچووبوونەوە باوکم دوێنێ وەختێ گەڕایەوە ماڵێ قەڵەم و کاغەز و گوڵ و دڵی منداڵ و باڵندە هەموویان چوون بە پیریەوە ئاخر ئەگەر وەکوو ئەڵێن مردن ئەوەندە دڕندە و خەتەر بوایە ئەوی ئەخوارد و نەئەما و لەبیری شێعریش ئەچۆوە بەڵام ئایا ئەم مردنە بۆ هەموو کەسێ هەر وایە؟ یان بە تەنها بۆ ئەوانەی کە هەرگیز لێی نەترساون و وەکوو باوکم سەریان داوە بە ئازادیی و دڵیان کردووە بە چرا و چراشیان داوەتە دەستی خۆشەویستی ئەم دنیایە
Mirdin Êcgar bew şêweye tirsinak û xeter nîye wekû xelkî basî eken Min be bawkima ezanim Şes sal le lay mirdine û dwênê ke hatewe malê goranî wa negorabû ke ême neynasînewe Raste mirdin dem û çawî hendê şê’rî ta radeyek pîr kirdibû Raste mirdin hendê çirç û loçî tazey xistibuwe nêw qiseyewe Kemêk rengî hîwakanî zerd kirdibû! Belam hergîz newerîbûn Lebîr sal neçûbûnewe Bawkim dwênê wextê gerayewe malê qelem û kaxez û gul û dilî mindal û balinde hemûyan çûn be pîryewe Axir eger wekû elên mirdin ewende dirinde û xeter bwaye Ewî exward û ne’ema û lebîrî şê’rîş eçowe Belam aya em mirdine bo hemû kesê her waye? Yan be tenha bo ewaney ke hergîz lêy netirsawin û wekû bawkim Seryan dawe be azadîy û dilyan kirduwe be çira û çiraşyan dawete destî xoşewîstî em dinyaye