ئیسمائیل سەردەشتی
ئەگەر ئەمجارە بێمەوە بۆو وڵاتەی لێی گەورە بووم لە هەر بستێ خاکی خۆمدا دەستەگوڵێ هەڵدەبەستم ئەگەر ئەمجارە بێمەوە بە شنەی شەماڵی مەستم پەنا نابەم بۆ هەندەران هەر وڵاتم دەپەرەستم ناژیم بێ تۆ وڵاتەکەم هەر تۆی کانگای بیر و هەستم ناژیم بێ تۆ وڵاتەکەم هەر ئەتۆی کانگای بیر و هەستم ئەگەر ئەمجارە بێمەوە بۆ وڵاتەی لێی گەورە بووم ناڕۆم و بەجێی ناهێڵم قەت قەت ناڵێم لێی وەڕەز بووم دەگەڕێم دەچمە ئەو شوێنانە کەوا پێشتر بۆی نەچووم خاکیان دەکەم بە سورمەی چاو، لە چاوەکانمیان هەڵدەسووم ڕۆژهەڵات زێدی باوانم بە دایمە هەر مریدی تووم ئەگەر ئەمجارە بێمەوە بە سەربەرزی بۆ وڵاتەکەم بست بە بست خاکی ڕۆژهەڵات، شار و دێهاتی ڕاو دەکەم هەر دایکێ کوڕی شەهید ببێ زوو دەچم دەستی ماچ دەکەم پێی ئەڵێم دایە غەم مەخۆ ئێستا ئەمن لە جێی کوڕەکەم خوشکی هەر شەهیدێ تووش بم پێی ئەڵێم سڵاو خوشکەکەم چیدیکە ڕەشی مەپۆشە گەشایەوە ئاڵایەکەم چیدیکە ڕەشی مەپۆشە وا سەربەرزە ئاڵایەکەم ئەگەر ئەمجارە بێمەوە بۆ وڵاتم بە سەربەرزی بست بە بست خاکی ماچ دەکەم تا دەچمە سەر گۆڕی قازی لەسەر گڵکۆی کڕنووش دەبەم لە بۆ پێشەوای گیانبازی پێی ئەڵێم گەورە و سەردارم کوانێ هاوڕێی پێرلاشێزی وەڵام بنێرە با بێتەوە چاوەڕێنە گەل و هۆزی سروودی ئەی ڕەقیبیشم دەڵێم بە هەزار ئاوازی ئەگەر ئەمجارە بێمەوە بۆ کوێستانەکەی ڕۆژهەڵات دەبمە شوانکارەی کێوەکان چاوەڕێ بم بڵێن بێری هات لە بن هەر شاخ و دۆڵێکی من ساز دەکەم کەپر و سابات کڕنۆش دەبەم بۆ وڵاتم، کڕنۆش لە بۆ خاک و ئاڵات هەولێر و سلێمانی هەرکیان نابنە یەک سانیەی مەهاباد ئەگەر ئەمجارە بێمەوە ناچم ناگەڕێم لە شاران دەچمە سەر گۆڕی شەهیدان ئەوانەی کران تیرەباران دەچم کڕنووشیان بۆ دەبەم فرمێسکی چاو وەکوو باران بۆ سەر گۆڕی هەر شەهیدێک دەستەگوڵێک وەکوو یاران لە کرماشان و ئیلام و لە سنە و لە ورمێی جاران لە کانیاوی نیەر لادەم لە مەڵبەندی شۆڕەسواران
Eger emcare bêmewe bow wilatey lêy gewre bûm Le her bistê xakî xomda destegulê heldebestim Eger emcare bêmewe be şiney şemalî mestim Pena nabem bo henderan her wilatim deperestim Najîm bê to wilatekem her toy kangay bîr û hestim Najîm bê to wilatekem her etoy kangay bîr û hestim Eger emcare bêmewe bo wilatey lêy gewre bûm Narom û becêy nahêlim qet qet nalêm lêy werez bûm Degerêm deçme ew şwênane kewa pêştir boy neçûm Xakyan dekem be surmey çaw, le çawekanmyan heldesûm Rojhelat zêdî bawanim be dayme her mirîdî tûm Eger emcare bêmewe be serberzî bo wilatekem Bist be bist xakî rojhelat, şar û dêhatî raw dekem Her daykê kurî şehîd bibê zû deçim destî maç dekem Pêy elêm daye xem mexo êsta emin le cêy kurekem Xuşkî her şehîdê tûş bim pêy elêm silaw xuşkekem Çîdîke reşî mepoşe geşayewe alayekem Çîdîke reşî mepoşe wa serberze alayekem Eger emcare bêmewe bo wilatim be serberzî Bist be bist xakî maç dekem ta deçme ser gorî qazî Leser gilkoy kirnûş debem le bo pêşeway gyanbazî Pêy elêm gewre û serdarim kwanê hawrêy pêrlaşêzî Welam binêre ba bêtewe çawerêne gel û hozî Sirûdî ey reqîbîşim delêm be hezar awazî Eger emcare bêmewe bo kwêstanekey rojhelat Debme şwankarey kêwekan çawerê bim bilên bêrî hat Le bin her şax û dolêkî min saz dekem kepir û sabat Kirnoş debem bo wilatim, kirnoş le bo xak û alat Hewlêr û silêmanî herkyan nabne yek sanyey mehabad Eger emcare bêmewe naçim nagerêm le şaran Deçme ser gorî şehîdan ewaney kiran tîrebaran Deçim kirnûşyan bo debem firmêskî çaw wekû baran Bo ser gorî her şehîdêk destegulêk wekû yaran Le kirmaşan û îlam û le sine û le wirmêy caran Le kanyawî nyer ladem le melbendî şoreswaran