عەبدوڵڵا پەشێو
بە بینینت من دەبمەوە بنیادەمی چاخی بەردین دەچمەوە ناو ئەشکەوتی تار، جەنگەڵی چڕ گوێ شل دەکەم بۆ برووسکە و گۆڵەی هەور و بارانی خوڕ شارستانی دوگمە و وایەر بزر دەبێ ئاتەشگەکان پڕ دەبنەوە لە پێت و گڕ چیت مەرام بێ، دەچێتە سەر تۆ دەتوانی بە نیگایەک سەوزەڵانێک بە ڕووتەن کەی لە دەستت دێ، بە هێمایەک بەردەڵانێک بە چیمەن کەی چیت مەرام بێ، دەچێتە سەر تۆ دەتوانی باڵی زمانم ببەستی و درەختی پەنجەم بێ بەر کەی لە دەستت دێ چەمی دەنگم تژی ماسی و هەر پەیڤێکم پڕ گەوهەر کەی تۆ دەتوانیت بمکەیتە کۆیلەی مل بە تۆق لە دەستت دێ تاجی سەروەریم لەسەر کەی لەبن کۆمەی خۆڵەمێشدا تۆ ژیلەمۆی گەشی خولیای لە گێژەنی تاریکیدا تۆ بریسکەی بەفری چیای لە بیابانا هاژەی چەم و لە نەهاتا هەڵمی نان و لە غوربەتا داڵدە و پەنای کلیلداری بەهەشتی تۆ تۆ نەک نیوە، هەموو دنیای
Be bînînit Min debmewe binyademî çaxî berdîn Deçmewe naw eşkewtî tar, cengelî çir Gwê şil dekem Bo birûskew goley hewrû baranî xur Şaristanî dugmew wayer bizir debê Ateşgekan pir debnewe le pêtû gir Çît meram bê, deçête ser To detwanî be nîgayek Sewzelanêk be rûten key Le destit dê, be hêmayek Berdelanêk be çîmen key Çît meram bê, deçête ser To detwanî balî zimanim bibestîw dirextî pencem bê ber key Le destit dê çemî dengim tijî masîw her peyvêkim pir gewher key To detwanît bimkeyte koyley mil be toq Le destit dê tacî serwerîm leser key Lebin komey xolemêşda To jîlemoy geşî xulyay Le gêjenî tarîkîda To birîskey befrî çyay Le byabana hajey çemû le nehata helmî nanû le xurbeta daldew penay Kilîldarî beheştî to To nek nîwe, hemû dinyay