عەبدوڵڵا پەشێو
من گەواهی دەدەم من گەواهی دەدەم ئەوان خاکی و سادەن تەرکەدنیان گەر بەوان بێ هەر بە گاڵ و هەرزن دەژین تووڕەن بەوەی ژێرزەمین و قاسە و باخەڵ بە گەنجینەی قاروون تەژین تووڕەن بەوەی گرد و بنار وەرد و بەیار بە قودرەتی حەزرەتی فیل بۆیان دەبنە مەزرا و تەلار من گەواهی ئەوەش دەدەم گەورەکانمان حەز لە چارەی کورسی ناکەن شل و کوت بوون هێندەی کون بە کون دەی ڕاکەن بەڵام چ بکن کورسی ئێمە وەک هی هەمووان منجڕترین مەخلووقی خوان بەدڕەفتار و بێ بەڵێنن هەر کەتیرە دەدەڵێنن بیژین، لۆتین، داوێنپیسن پاشەڵپەرەست و نەگریسن هیچ و پووچ و حەرامزادەن قوونێک بگرن بەری نادەن
Min gewahî dedem Min gewahî dedem ewan xakîw saden Terkednyan Ger bewan bê Her be galû herzin dejîn Tûren bewey jêrzemînû qasew baxel Be gencîney qarûn tejîn Tûren bewey girdû binar Werdû beyar Be qudretî hezretî fîl Boyan debne mezraw telar Min gewahî eweş dedem Gewrekanman hez le çarey kursî naken Şilû kut bûn Hêndey kun be kun dey raken Belam çi bikin Kursî ême wek hî hemuwan Mincirtirîn mexlûqî xwan Bedreftarû bê belênin Her ketîre dedelênin Bîjîn, lotîn, dawênpîsin Paşelperestû negrîsin Hîçû pûçû heramzaden Qûnêk bigirin Berî naden