قادر ئەلیاسی
واران ئەگەر بواری لە ئی سیە شەوارە گوڵەیل زەرد و چەرمی لەیرە مینگەنەوارە چەنی ت خوەش چنیدە تەناف گیس هۊیلد چۊ مانگەشەو درەوشی لە ژیر ئەو دەوارە م خان مەسۊڕ شەیای شاپەروەر خەیاڵم وە یاد ئەو نازارە چمەو ئەیوان دوارە گوڵ میناملەگەی بانێ نوواکۊیی م یە جار ئەڕای خاترم سەر هیز بییە وەهارە وە خەیاڵ لە بانکووڵم، ڕووحم لەلای مانێشتە جەستەی خەستەی دۊرکەفتەم هەمرای لە قەنەهارە وە ئومید یە زنەم بۊشن خان مەسۊر وەختە بچوورەو ئەڕای ئەیوان شاپەروەر چەونزارە شەوەیل سەرد زمسان وەسەرچی باوانەگەم دڵم توای بۊنمەد، وە ئومید ئەو دیدارە بیلا شعر ئوڵفەتی پەترووی زەخمەیلمان بوو چەنی وەجاس وەو ئەشعارە بۊشیم یاران وەهارە
Waran eger bwarî le î sye şeware Guleyl zerd û çermî leyre mîngeneware Çenî t xweş çinîde tenaf gîs hüyld Çü mangeşew direwşî le jîr ew deware M xan mesür şeyay şaperwer xeyalim We yad ew nazare çimew eywan dware Gul mînamlegey banê nuwaküyî m Ye car eray xatirim ser hîz bîye wehare We xeyal le bankûlim, rûhim lelay manêşte Cestey xestey dürkeftem hemray le qenehare We umîd ye zinem büşn xan mesür wexte Biçûrew eray eywan şaperwer çewnzare Şeweyl serd zimsan weserçî bawanegem Dilim tway bünmed, we umîd ew dîdare Bîla şi’ir ulfetî petrûy zexmeylman bû Çenî wecas wew eş’are büşym yaran wehare