عەدنان کەریم
ئەپرسی بۆچی جامی دڵ بە نەشئەی بادە مەست نابێ ئەڵێ لێوڕێژی بادەی عیشقی تۆم، هەر بە تۆ مەستم لە وەسفی خۆشەویستیتدا، زمانی لاڵە هەڵبەستم ئیتر تۆ پێ بزانی یا نەزانی من چ دەربەستم ئەگەر باوەڕ بە من ناکەی وەرە سەیری دەروونم کە لە دونیای خۆشەویستیتدا چ دەریایەکی پڕ هەستم لەبەر سۆزی دڵم دوور و نزیکی بۆ نییە چاوم خوڕەی دێ ئاوی سەرچاوەی، ئەگەر شادم ئەگەر مەستم جگە لەو یادە شیرینەت سەرانسەر تاڵە ژینی من کەچی ئەتوێتەوە خەم، چون لەگەڵ ئەو یادە پەیوەستم بەهیوای ئاوڕێکی تۆیە خۆ هەڵبەستەکانی من لەڕێی تەیری نیگایەکتا ئەبێ هێلانە هەڵبەستم ئەپرسی بۆچی جامی دڵ بە نەشئەی بادە مەست نابێ ئەڵێ لێوڕێژی بادەی عیشقی تۆم، هەر بە تۆ مەستم لە وەسفی خۆشەویستیتدا، زمانی لاڵە هەڵبەستم ئیتر تۆ پێ بزانی یا نەزانی من چ دەربەستم هۆنراوە: #کاکەی_فەلاح
Epirsî boçî camî dil be neş’ey bade mest nabê Elê lêwrêjî badey ’îşqî tom, her be to mestim Le wesfî xoşewîstîtda, zimanî lale helbestim Îtir to pê bizanî ya nezanî min çi derbestim Eger bawer be min nakey were seyrî derûnim ke Le dunyay xoşewîstîtda çi deryayekî pir hestim Leber sozî dilim dûrû nizîkî bo nîye çawim Xurey dê awî serçawey, eger şadim eger mestim Cige lew yade şîrînet seranser tale jînî min Keçî etwêtewe xem, çun legel ew yade peywestim Behîway awrêkî toye xo helbestekanî min Lerêy teyrî nîgayekta ebê hêlane helbestim Epirsî boçî camî dil be neş’ey bade mest nabê Elê lêwrêjî badey ’îşqî tom, her be to mestim Le wesfî xoşewîstîtda, zimanî lale helbestim Îtir to pê bizanî ya nezanî min çi derbestim Honrawe: #kakey_felah