عەدنان کەریم
سۆفی گۆشەی خانەقا بووم ئێستە پیری مەیکەدەم زاهیدی خەڵوەتنشین بووم ئێستە مەست و مەیزەدەم سەروی ئازادیش لەبار و دڵکەش و بەرزە بەڵام گیانەکەم! من شێت و شەیدای لار و لەنجەی ئەم قەدەم هەر یەکەی بۆ خۆی دەجوولێنێتەوە هەستی دەروون زەردەپەڕ، کاروانکوژە، تاریک و ڕوونی سوبحدەم ئاسمانی ساو و دەریای مەند و تارمایی چیا سێوی لاسوور و بەهێی زەرد و هەناری گوڵ بەدەم کێ وەکوو من سارد و گەرمی ڕۆژگاری چێشتووە؟ گا لە دەشتی گەرمەسێر و گا لە کوێستانی گەدەم وەک شەپۆڵی زێی خوڕەم ساتێ هەدادانم نییە گێژ دەخۆم، پێچێ دەدەم، من ڕۆڵە کوردی ئەم سەدەم سێبەری مەرگم لە پێشدایە و بەرەو مەنزڵ دەڕۆم ناخی گۆڕی تەنگە جێگام، هەر تل ئاسا بێ قەدەم من بەرەو ئاسۆ بەرەو ڕووناکی باڵم گرتووە چۆن بەرەو تاریکی دەخشێم، پاڵ وە شەیتانی دەدەم سۆفی گۆشەی خانەقا بووم ئێستە پیری مەیکەدەم زاهیدی خەڵوەتنشین بووم ئێستە مەست و مەیزەدەم سەروی ئازادیش لەبار و دڵکەش و بەرزە بەڵام گیانەکەم! من شێت و شەیدای لار و لەنجەی ئەم قەدەم هۆنراوە: #هێمن موکریانی
Sofî goşey xaneqa bûm êste pîrî meykedem Zahîdî xelwetnişîn bûm êste mestû meyzedem Serwî azadîş lebarû dilkeşû berze belam Gyanekem! min şêtû şeyday larû lencey em qedem Her yekey bo xoy decûlênêtewe hestî derûn Zerdeper, karwankuje, tarîkû rûnî subhidem Asmanî sawû deryay mendû tarmayî çya Sêwî lasûrû behêy zerdû henarî gul bedem Kê wekû min sardû germî rojgarî çêştuwe? Ga le deştî germesêrû ga le kwêstanî gedem Wek şepolî zêy xurem satê hedadanim nîye Gêj dexom, pêçê dedem, min role kurdî em sedem Sêberî mergim le pêşdayew berew menzil derom Naxî gorî tenge cêgam, her til asa bê qedem Min berew aso berew rûnakî balim girtuwe Çon berew tarîkî dexşêm, pal we şeytanî dedem Sofî goşey xaneqa bûm êste pîrî meykedem Zahîdî xelwetnişîn bûm êste mestû meyzedem Serwî azadîş lebarû dilkeşû berze belam Gyanekem! min şêtû şeyday larû lencey em qedem Honrawe: #hêmin mukiryanî