عەدنان کەریم
عەزیزم بۆچی تۆراوی لە خۆڕا؟ چ قەوماوە؟ دڵی تۆ بۆچی گۆڕا؟ ئەتۆ وا زوو لەبیرت کردم ئەمما فەرامۆشت نەکەم شەرتە لە گۆڕا لە من ڕا خۆ خەتایەک ڕووی نەداوە ئەدی بێ مەیلی بۆ ڕووی دا لە تۆ ڕا ئەسیری کەزیەتە کۆتری دڵی من دەبێ حاڵی چ بێ کۆتر لە تۆڕا؟ سەر و ماڵ و کەماڵ و بیر و هۆشم لە نەردی عیشقی تۆوا پاکی دۆڕا لە چاوم دێ بەخوڕ فرمێسکی خوێنین کەچی ئەم گۆمە خوێنە هەڵنەچۆڕا من و لاشەی پەپوولە ماینەوە و بەس شەوی دووری، شەمیش تواوە لە کۆڕا هۆنراوە: #هێمن
’ezîzim boçî torawî le xora? Çi qewmawe? dilî to boçî gora? Eto wa zû lebîrit kirdim emma Feramoşt nekem şerte le gora Le min ra xo xetayek rûy nedawe Edî bê meylî bo rûy da le to ra Esîrî kezyete kotrî dilî min Debê halî çi bê kotir le tora? Serû malû kemalû bîrû hoşim Le nerdî ’îşqî towa pakî dora Le çawim dê bexur firmêskî xwênîn Keçî em gome xwêne helneçora Minû laşey pepûle maynewew bes Şewî dûrî, şemîş twawe le kora Honrawe: #hêmin