حەسەن کاکایی
ئەی وەتەن لەو وەختەوە ئەم ڕۆڵەیەت خستۆتە ڕۆ شیری تۆ کەوتۆتە [یاد و] میهری تۆی گرتۆتە خۆ دڵ بە سازی تۆ بە کەیف و ڕوو بە خۆشی ڕوویی تۆ پێم گوتی دەبمە بەڵاگەردانی تۆ بێ هیچ درۆ وەختی ئیجرای قەولمە ئۆباڵ بە تەختی گەردنم نامەوێ ئەو ژینە تاڵە یا وەتەن یا مردنم دوژمنی بەدخوو ئەگەر تۆ بمدەیەی زێڕی وڵات دار و بەرد و خاک و خۆڵم بۆ بکەیتە حاسڵات بمکەیە سەرداری دونیا تاجی شاهیم کەی خەڵات شەرتە تێی هەڵدەم لە تاجت بیگەیێنمە ڕۆژهەڵات چۆن دەبێ مەحکوومی تۆ بم کەج بکەم بۆت گەردنم نامەوێ ئەو ژینە تاڵە یا وەتەن یا مردنم لاوەکان گەر ڕۆح فیدا کەن بۆ وەتەن هێشتا کەمە گەر بدا ئاوی حەیاتێ دوژمنت، ژەهرە غەمە خۆشە دەردێکی کە دایکی نیشتمانی مەڵهەمە سینگەکەم قەڵغانی تۆیە ئەی وەتەن پێشمەرگەمە گیانی من قوربانی تۆ بێ جا بڵیندە گەردنم نامەوێ ئەو ژینە تاڵە یا وەتەن یا مردنم حازرم بۆ حیفزی ئاو و خاکەکەت ئەی نیشتمان شەرتە بیڕێژم لەبەر پێت خوێنی گەش ڕۆحی ڕەوان خوێنەکەم بۆ تۆ حەڵاڵە، ماڵیشم، هەردووکیان یا دەبێ هیچیان نەبن یا دوژمنت هیچکامیان دەچمە بەر مەیدانی دوژمن جا حەڵاڵ کا گەردنم نامەوێ ئەو ژینە تاڵە یا وەتەن یا مردنم ئاخ دڵ بە خورپەی من بە خورپەی دڵ دەزانم هەستی پێی جانانە دێ خۆشەویستی کاری خۆی کرد شەم لە دووی پەروانە دێ سەیرە پێم من بۆ بە گۆشەی چاوی نەشئەی دەمگرێ حاڵەتی وا چون هەمیشە هەر لە دوای پەیمانە دێ لێیگەڕێ توخوا شەماڵیش بۆنی کەزیەی هەڵمژێ گرژ و تووڕە جاربەجارێ گەر لە داخی شانە دێ چاوی مەستت بێ هەموو شت کێشە دەفرۆشێ بەڵام ئاگری فیتنە لە گۆڕی ئەو کل و کلدانە دێ ئاخ ماچی لێوت گەر بە نرخی گیانی شیرین دەس کەوێ کەس نییە گیانی بوێ، فەرزانە دێ، دێوانە دێ «هێدی» لێم نەگرێ وڕینە ئەوڕۆ مەرجی ئێمە بێ دەرد ئەگەر دەردی ئەوین بێ واتە* هەر شێتانە دێ ئەی وەتەن گەر ژین هەبێ حەققە کە تۆ ژینی منی نامەوێ سەیری گوڵستان تۆ کە پەرژینی منی ئاورم بۆ هێزی دوژمن چونکە تۆ تینی منی قیبلەکەم، ئیمانەکەم، پەیمانەکەم دینی منی گەر بوتی زیننار ئەبەستم ببیە خاچی گەردنم نامەوێ ئەو ژینە تاڵە یا وەتەن یا مردنم نامەوێ ئەو ژینە تاڵە یا وەتەن یا مردنم
Ey weten lew wextewe em roleyet xistote ro Şîrî to kewtote [yad û] mîhrî toy girtote xo Dil be sazî to be keyf û rû be xoşî rûyî to Pêm gutî debme belagerdanî to bê hîç diro Wextî îcray qewlme obal be textî gerdinim Namewê ew jîne tale ya weten ya mirdinim Dujminî bedxû eger to bimdeyey zêrî wilat Dar û berd û xak û xolim bo bikeyte haslat Bimkeye serdarî dunya tacî şahîm key xelat Şerte têy heldem le tacit bîgeyênme rojhelat Çon debê mehkûmî to bim kec bikem bot gerdinim Namewê ew jîne tale ya weten ya mirdinim Lawekan ger roh fîda ken bo weten hêşta keme Ger bida awî heyatê dujminit, jehre xeme Xoşe derdêkî ke daykî nîştimanî melheme Sîngekem qelxanî toye ey weten pêşmergeme Gyanî min qurbanî to bê ca bilînde gerdinim Namewê ew jîne tale ya weten ya mirdinim Hazirim bo hîfzî aw û xakeket ey nîştiman Şerte bîrêjim leber pêt xwênî geş rohî rewan Xwênekem bo to helale, malîşim, herdûkyan Ya debê hîçyan nebin ya dujminit hîçkamyan Deçme ber meydanî dujmin ca helal ka gerdinim Namewê ew jîne tale ya weten ya mirdinim Ax dil be xurpey Min be xurpey dil dezanim hestî pêy canane dê Xoşewîstî karî xoy kird şem le dûy perwane dê Seyre pêm min bo be goşey çawî neş’ey demgirê Haletî wa çun hemîşe her le dway peymane dê Lêygerê tuxwa şemalîş bonî kezyey helmijê Girj û tûre carbecarê ger le daxî şane dê Çawî mestit bê hemû şit kêşe defroşê belam Agirî fîtne le gorî ew kil û kildane dê Ax maçî lêwit ger be nirxî gyanî şîrîn des kewê Kes nîye gyanî bwê, ferzane dê, dêwane dê «hêdî» lêm negrê wirîne ewro mercî ême bê Derd eger derdî ewîn bê wate* her şêtane dê Ey weten ger jîn hebê heqqe ke to jînî minî Namewê seyrî gulistan to ke perjînî minî Awrim bo hêzî dujmin çunke to tînî minî Qîblekem, îmanekem, peymanekem dînî minî Ger butî zînnar ebestim bibye xaçî gerdinim Namewê ew jîne tale ya weten ya mirdinim Namewê ew jîne tale ya weten ya mirdinim