مستەفا دادار
بیرەوەری دووی ڕێبەندان دەمخاتە سەر بەستە و بەندان ڕێبەندانی ڕێنوێنە لە داگیرکەر سەرشێوێنە دوژمنی کورد جێ پێ لێژە با بگێڕین گەڕە لاوێژە شایی دەگەڕێ لە دێیان گیان هاتۆتە ئاسۆی گوێیان بیرەوەری دووی ڕێبەندان دەمخاتە سەر بەستە و بەندان کورد و ئازەربایجانی هەردوو داوایان ڕەوایە هەر بژین، تا سەر بمێنێ یەکێتی ئەو دوو برایە دیلانە لە هەموو ماڵان پیرۆزبایی لە هەواڵان لە دوژمنان ڕێبەندانە بۆ کورد وادەی گۆوەندانە بیرەوەری دووی ڕێبەندان دەمخاتە سەر بەستە و بەندان قورینگ چلەی زستان دەبڕن چاویان لە کوردستان دەبڕن بە پۆل گوڵن لە شەتاوان دەخەمڵێنن دەم چۆماوان شایی نەدار و هەژارە ئەوجار هەژار خۆی سەردارە مەڵبەند بەهاری تێ زاوە قازی مەزن هەر وەک کاوە مەڵبەند بەهاری تێ زاوە قازی مەزن هەر وەک کاوە هێزی کۆمەڵی لە پشتە هەودای خاوی هیوا گشتە پاش چەند ساڵ لە نوور دووریمان هەڵ بوو چرای جەمهووریمان با بگێڕین زەماوەندێ با بۆتان بڵێم سەربەندێ بیرەوەری دووی ڕێبەندان دەمخاتە سەر بەستە و بەندان
Bîrewerî dûy rêbendan Demxate ser beste û bendan Rêbendanî rênwêne Le dagîrker serşêwêne Dujminî kurd cê pê lêje Ba bigêrîn gere lawêje Şayî degerê le dêyan Giyan hatote asoy gwêyan Bîrewerî dûy rêbendan Demxate ser beste û bendan Kurd û azerbaycanî herdû dawayan rewaye Her bijîn, ta ser bimênê yekêtî ew dû biraye Dîlane le hemû malan pîrozbayî le hewalan Le dujminan rêbendane Bo kurd wadey gowendane Bîrewerî dûy rêbendan Demxate ser beste û bendan Qurîng çiley zistan debirn Çawyan le Kurdistan debrin Be pol gulin le şetawan Dexemlênin dem çomawan Şayî nedar û hejare Ewcar hejar xoy serdare Melbend beharî tê zawe Qazî mezin her wek kawe Melbend beharî tê zawe Qazî mezin her wek kawe Hêzî komelî le pişte Hewday xawî hîwa gişte Paş çend sal le nûr dûrîman Hel bû çiray cemhûrîman Ba bigêrîn zemawendê Ba botan bilêm serbendê Bîrewerî dûy rêbendan Demxate ser beste û bendan