جەلال مەلەکشا
مەکە، مە... با یەخەی عەشق بگرم با بگلێم، لە خوێنا بگەوزێم، جا بمرم ئەم زامە ناسۆرە، کەم دەستی تێوەردە با هەر داپۆشراو بێ لە دڵما ئەم دەردە چی خەمی دنیایە، لە دڵما وەک پوورە گاز ئەگرن لە ڕۆحم، خێڵی ژەنگەسوورە مەکە، مە... با هەر خۆم بزانم کوێم ئەیشێ پەتایە تۆش ئەگرێ، بڕۆ مەیە پێشێ لەگەڵ هەر وشەیەک لە دڵم هەڵئەقوڵێ دڵۆپێ فرمێسکە، بڕوانە چۆن ئەکوڵێ؟ وشە نین ئەمانە، هەنسک و هەناسەن هەموویان غەریبن، تامەزرۆن، بەتاسەن مەکە، مە... دەس مەدە لە ڕازی خوداییم با نەڕمێ قەڵاچەی خەڵوتی تەنیاییم با نەشکێ شەقڵی ئەم ئازارە شیرینە با نەڕژێ یەکجاری ئەم دەریا ئەسرینە عەشقێکی پیرۆزە بانگ ئەکا و ڕۆح ئەچڕێ گیانم وەک دڵۆپێ بۆ دەریا هەڵئەفڕێ دەریایەک پاپۆڕی خەمی تێیا نوقم بێ بەستەڵەک بشکێنێ توێنەری زوقم بێ دەریایەک ئارامش ببەخشێ بە تاسەم بۆ ئەبەد بمرێنێ هەنسک و هەناسەم مەکە، مە...، گیانەکەم، ئیتر من ڕەوتەنیم دەستم لێ هەڵبگرە، من خەڵکی دنیا نیم
Meke, me... ba yexey ’eşq bigirim Ba biglêm, le xwêna bigewzêm, ca bimirim Em zame nasore, kem destî têwerde Ba her dapoşraw bê le dilma em derde Çî xemî dinyaye, le dilma wek pûre Gaz egirin le rohim, xêlî jengesûre Meke, me... ba her xom bizanim kwêm eyşê Petaye toş egrê, biro meye pêşê Legel her wişeyek le dilim hel’equlê Dilopê firmêske, birwane çon ekulê? Wişe nîn emane, henisk û henasen Hemûyan xerîbin, tamezron, betasen Meke, me... des mede le razî xudayîm Ba nermê qelaçey xelutî tenyayîm Ba neşkê şeqlî em azare şîrîne Ba nerjê yekcarî em derya esrîne ’eşqêkî pîroze bang eka û roh eçrê Gyanim wek dilopê bo derya hel’efrê Deryayek paporî xemî têya nuqim bê Bestelek bişkênê twênerî zuqim bê Deryayek aramş bibexşê be tasem Bo ebed bimrênê henisk û henasem Meke, me..., gyanekem, îtir min rewtenîm Destim lê helbigre, min xelkî dinya nîm