جەلال مەلەکشا
وتم: دایە! باوکم کوانێ؟ بۆچی هەرگیز دەستی حەزی نەگووشیوم؟! بە کام تاوان من هەتیوم؟ وتی: ڕۆڵە! ڕۆژێ کاتێ داگیرکەران شاریان سووتاند! تفەنگی مافی کردە شان ڕووی کردە ئاسۆی سەربەستی لێزمەی خوێنی گەشی لەشی بەسەر لێوی خاکا پژاند! وتم: دایە! ئەی براکەم؟ شەپۆلی خەم، ئاوی ماتەم گۆمی چاوی پڕ کرد لە ئەستێرەی فرمێسک وتی: ڕۆڵە! لە کازیوەی وەرزی ڕەشا لاشەیان کردە نیشانە سەری کاسی خەمەکانی بردە ژێر خاک گیانی پاکی کردە فیدای، سەربەستی ئەو کوردستانە! وتم: دایە! ئەی من چ بکەم؟ هەستا سەر پێ، تفەنگێکی بڕنۆ کورتی بزمارڕێژی دایە دەستم وتی: ڕۆڵە! ئەی هەی هۆی ئاوات و مەبەستم! دەیان ساڵە لە چوار لاوە کوردستان دیل و یەخسیرە دەست و پێ زنجیر کراوە ڕێبازی خوێن بگرە و بڕۆ دۆعای گەلی چەوساوەی کورد، لە پشتی تۆ! سنوورەکان بشێوێنە کوردستانم بۆ بێنەوە با بە دەوریا بسووڕمەوە کوردستانم بۆ بێنەوە با دانیشم لەتە لەتە وڵاتەکەم بدوورمەوە!
Witim: daye! bawkim kwanê? Boçî hergîz destî hezî negûşîwim?! Be kam tawan min hetîwim? Witî: role! Rojê katê dagîrkeran şaryan sûtand! Tifengî mafî kirde şan Rûy kirde asoy serbestî Lêzmey xwênî geşî leşî Beser lêwî xaka pijand! Witim: daye! ey birakem? Şepolî xem, awî matem Gomî çawî pir kird le estêrey firmêsk Witî: role! Le kazîwey werzî reşa Laşeyan kirde nîşane Serî kasî xemekanî birde jêr xak Gyanî pakî kirde fîday, Serbestî ew kurdistane! Witim: daye! Ey min çibkem? Hesta ser pê, Tifengêkî birno kurtî bizmarrêjî daye destim Witî: role! Ey hey hoy awat û mebestim! Deyan sale le çwar lawe Kurdistan dîl û yexsîre Dest û pê zincîr kirawe Rêbazî xwên bigre û biro Do’ay gelî çewsawey kurd, Le piştî to! Sinûrekan bişêwêne Kurdistanim bo bênewe Ba be dewrya bisûrmewe Kurdistanim bo bênewe Ba danîşim lete lete wilatekem bidûrmewe!