ئیبراهیم خەیات
ئەم ڕۆژی ساڵی تازەیە، نەورۆزە، هاتەوە جەژنێکی کۆنی کوردە بەخۆشی و بەهاتەوە چەند ساڵ گوڵی هیوای ئێمە پێ پەست بوو تاکوو پار هەر خوێنی لاوەکان بوو گوڵی ئاڵی نەوبەهار ئەم ڕۆژی ساڵی تازەیە، نەورۆزە، هاتەوە جەژنێکی کۆنی کوردە بەخۆشی و بەهاتەوە ئەو ڕەنگە سوورە بوو کە لە ئاسۆی بڵندی کورد مژدەی بەیانی بۆ گەلی دوور و نزیک ئەبرد ئەم ڕۆژی ساڵی تازەیە، نەورۆزە، هاتەوە جەژنێکی کۆنی کوردە بەخۆشی و بەهاتەوە نەورۆز بوو ئاگرێکی وەهای خستە جەرگەوە لاوان بە عەشق ئەچوون بە بەرەو پیری مەرگەوە ئەم ڕۆژی ساڵی تازەیە، نەورۆزە، هاتەوە جەژنێکی کۆنی کوردە بەخۆشی و بەهاتەوە وا ڕۆژ هەڵات لە بەندەنی بەرزی وڵاتەوە خوێنی شەهیدە ڕەنگی شەفەق شەوق ئەداتەوە ئەم ڕۆژی ساڵی تازەیە، نەورۆزە، هاتەوە جەژنێکی کۆنی کوردە بەخۆشی و بەهاتەوە تا ئێستا ڕووی نەداوە لە تاریخی میللەتا قەڵغانی گوللە سینگی کچان بێ لە هەڵمەتا ئەم ڕۆژی ساڵی تازەیە، نەورۆزە، هاتەوە جەژنێکی کۆنی کوردە بەخۆشی و بەهاتەوە پێی ناوێ بۆ شەهیدی وەتەن شیوەن و گرین نامرن ئەوانە وا لە دڵی میللەتا ئەژین ئەم ڕۆژی ساڵی تازەیە، نەورۆزە، هاتەوە جەژنێکی کۆنی کوردە بەخۆشی و بەهاتەوە
Em rojî salî tazeye, newroze, hatewe Cejnêkî konî kurde bexoşî û behatewe Çend sal gulî hîway ême pê pest bû takû par Her xwênî lawekan bû gulî alî newbehar Em rojî salî tazeye, newroze, hatewe Cejnêkî konî kurde bexoşî û behatewe Ew renge sûre bû ke le asoy bilindî kurd Mijdey beyanî bo gelî dûr û nizîk ebird Em rojî salî tazeye, newroze, hatewe Cejnêkî konî kurde bexoşî û behatewe Newroz bû agirêkî wehay xiste cergewe Lawan be ’eşq eçûn be berew pîrî mergewe Em rojî salî tazeye, newroze, hatewe Cejnêkî konî kurde bexoşî û behatewe Wa roj helat le bendenî berzî wilatewe Xwênî şehîde rengî şefeq şewq edatewe Em rojî salî tazeye, newroze, hatewe Cejnêkî konî kurde bexoşî û behatewe Ta êsta rûy nedawe le tarîxî mîlleta Qelxanî gulle sîngî kiçan bê le helmeta Em rojî salî tazeye, newroze, hatewe Cejnêkî konî kurde bexoşî û behatewe Pêy nawê bo şehîdî weten şîwen û girîn Namirin ewane wa le dilî mîlleta ejîn Em rojî salî tazeye, newroze, hatewe Cejnêkî konî kurde bexoşî û behatewe