عەلی زەندی
ئەی مانگ ئەمن و تۆ هەردوو هاودەردین هەردوو گرفتار یەک ئاهێ سەردین تۆ ویڵ و ڕەنگزەرد بە ئاسمانەوە منیش دەربەدەر بە شارانەوە دەخیلتم ئەی مانگ قیبلەی دڵداران دەرمانی دەردی دڵەی بیماران شەوێکە و ئەمشەو بگەرە فریام بێ یار و هاودەم، عاجز و تەنیام پێم بڵێ توخوا چەن جوانت دی چەن جووتە یاری دەست لەملانت دی چەن کۆڕی بەزمی عاشقانت دی چەن تەخت و بەخت و خانومانت دی چەن کفنی ئاڵی شەهیدانت دی چەن کفنی ئاڵی شەهیدانت دی چەن بێکەسانی پەرێشانت دی چەن دەربەدەر و ماڵوێرانت دی چەن چاوی سووری پڕ گریانت دی ئەی مانگ ئەوەندە سەیری دونیات کرد سەیری نفاق و زوڵم و ڕیات کرد بۆیە بەم ڕەنگە کاری لێ کردی ڕەنگ و شعووری بەجارێ بردی بنوە بە خۆشی هەتا بەیانی خەوی ژێر پەردەی پاکی یەزدانی گریانی چیتە!؟ تۆ چی ئەزانی!؟ تۆ تازە غونچەی باغی ژیانی کۆرپەی نازدار و فریشتەی جوانی لایە لایە لایە ڕۆڵەی شیرینم لایە کۆرپەی شیرینم لایە وا شەوگار درەنگە ئەتۆ بۆچ خەوت نایە دونیا کش و مات لە هەموو لایە هەرچی درەخت و دەشت و چیایە وا لە ژێر باڵی ڕەشی شەوایە نە دەنگ و نە سروە هیچی لێ نایە لایە لایە لایە ڕۆڵەی شیرینم لایە کۆرپەی شیرینم لایە وا شەوگار درەنگە ئەتۆ بۆچ خەوت نایە پەپوولەی سپیی ناو باغی گوڵان بنوە بە بێ ترس تا بەری بەیان تۆم داوەتە دەست خودای نگەهبان ئێشکگری تۆن پەری ئاسمان هیوای دواڕۆژی بۆ قەومی کوردان لایە لایە لایە ڕۆڵەی شیرینم لایە کۆرپەی شیرینم لایە وا شەوگار درەنگە ئەتۆ بۆچ خەوت نایە ڕۆڵە وا من تۆم هێنایە بەرهەم بە ڕەنجی زۆر و بە شیری مەمەم بە شەونخوونی و ناخۆشی ستەم ئەوەندە لە خوا تەمەنا دەکەم وەتەن ڕزگار کەی لە ژێر باری خەم لایە لایە لایە ڕۆڵەی شیرینم لایە کۆرپەی شیرینم لایە وا شەوگار درەنگە ئەتۆ بۆچ خەوت نایە سەرچاوەی دەنگ: t.me/dengahangikurdi
Ey mang emin û to herdû hawderdîn Herdû giriftar yek ahê serdîn To wîl û rengizerd be asmanewe Minîş derbeder be şaranewe Dexîltim ey mang qîbley dildaran Dermanî derdî diley bîmaran Şewêke û emşew bigere firyam Bê yar û hawdem, ’aciz û tenyam Pêm bilê tuxwa çen cwanit dî Çen cûte yarî dest lemlanit dî Çen korî bezmî ’aşiqanit dî Çen text û bext û xanumanit dî Çen kifnî alî şehîdanit dî Çen kifnî alî şehîdanit dî Çen bêkesanî perêşanit dî Çen derbeder û malwêranit dî Çen çawî sûrî pir giryanit dî Ey mang ewende seyrî dunyat kird Seyrî nifaq û zulim û ryat kird Boye bem renge karî lê kirdî Reng û şi’ûrî becarê birdî Binwe be xoşî heta beyanî Xewî jêr perdey pakî yezdanî Giryanî çîte!? to çî ezanî!? To taze xunçey baxî jyanî Korpey nazdar û firîştey cwanî Laye laye laye roley şîrînim laye Korpey şîrînim laye Wa şewgar direnge Eto boç xewt naye Dunya kiş û mat le hemû laye Herçî dirext û deşt û çyaye Wa le jêr balî reşî şewaye Ne deng û ne sirwe hîçî lê naye Laye laye laye roley şîrînim laye Korpey şîrînim laye Wa şewgar direnge Eto boç xewt naye Pepûley sipîy naw baxî gulan Binwe be bê tirs ta berî beyan Tom dawete dest xuday nigehban Êşkigrî ton perî asman Hîway dwarojî bo qewmî kurdan Laye laye laye roley şîrînim laye Korpey şîrînim laye Wa şewgar direnge Eto boç xewt naye Role wa min tom hênaye berhem Be rencî zor û be şîrî memem Be şewnxûnî û naxoşî sitem Ewende le xwa temena dekem Weten rizgar key le jêr barî xem Laye laye laye roley şîrînim laye Korpey şîrînim laye Wa şewgar direnge Eto boç xewt naye Serçawey deng: t.me/dengahangikurdi