فەتانە وەلیدی
بادی سەبا تەم و مژی زستان تارومار ئەکا هەوا موعەتتەر و چەمەن بە خونچە موشکبار ئەکا مەشاتتەوار ئارایشی بوتانی کۆهسار ئەکا سپی و سەوز و سوور و ڕەش، نە نەقشێ سەد هەزار ئەکا هەوا بە میهر و مەرحەمەت، حەکیمی دەردەدارە دێ ناز و نیازی بولبول و شکۆفەکانی موشک بۆ بەزمی تەزەرو و قومری و سەرو و چناری لێوی جۆ سەمەن لە نێو شکۆفەدا مەهی نیقابدارە دێ لالە لە میرغوزارەدا حکومەتێکە سەربەخۆ هەوا بە میهر و مەرحەمەت، حەکیمی دەردەدارە دێ پەڕەندەگانی خۆشنەوا بە سەد نەوای زارەوە بە ناڵەی دەف و نەی و بە چەنگ و عوود و تارەوە بولبول لە سەحنی گوڵشەن و قومری لە شاخسارەوە ئاوازخوێنە هەر یەکێ بە یاد و شەوقی یارەوە هەوا بە میهر و مەرحەمەت، حەکیمی دەردەدارە دێ هۆنراوە: زاری
Badî seba tem û mijî zistan tarumar eka Hewa mu’etter û çemen be xunçe muşkibar eka Meşattewar arayşî butanî kohsar eka Sipî û sewz û sûr û reş, ne neqşê sed hezar eka Hewa be mîhir û merhemet, hekîmî derdedare dê Naz û nyazî bulbul û şikofekanî muşk bo Bezmî tezeru û qumrî û seru û çinarî lêwî co Semen le nêw şikofeda mehî nîqabdare dê Lale le mîrxuzareda hikumetêke serbexo Hewa be mîhir û merhemet, hekîmî derdedare dê Perendeganî xoşnewa be sed neway zarewe Be naley def û ney û be çeng û ’ûd û tarewe Bulbul le sehnî gulşen û qumrî le şaxsarewe Awazxiwêne her yekê be yad û şewqî yarewe Hewa be mîhir û merhemet, hekîmî derdedare dê Honrawe: zarî