بورهان مەجید
نیوەشەوە دوا درەختی شەقامەکان نوقمی شەون نیوەشەوە دوا سەرخۆشی کۆڵانەکان نوقمی خەون منیش تەنیا لەسەر چرپا شکاوەکەم ڕاکشاوم خامۆش ئەڵێی ئاسەواری وڵاتێکی داڕووخاوم غوربەت و مەی چاوەکانمە ژوورەکەشم چۆڵەوانی گریان هاوڕێ و گۆرانیشم برینێکە ئەرخەوانی برینی من برینێکە پڕ لە ژانی چاوەڕوانی لەبۆ زەنگی تەلەفونێ شەپۆل ئەدا هەراسانی هاوار لە سوێی مەرگی ژوان چەند گرانە چەند گرانە درۆی نەبێ خوانەکردە ئەڵێی مەرگی ئازیزانە شەو تێپەڕی و ئەوەی ویستم تاوێ دەنگی نەڕژانە گوێم ئەوەی ویستم تەنها تۆزێ بای ئارامی نەڕژانە گوێم ناچار چرپام تەنیا کرد و تەلەفونم کردە هاوڕێم هاوارم کرد ئەلو ئەلو دڵی مردوو چیتان ئەوێ چیتان ئەوێ
Nîweşewe dwa dirextî şeqamekan nuqmî şewn Nîweşewe dwa serxoşî kolanekan nuqmî xewn Minîş tenya leser çirpa şikawekem rakşawim Xamoş elêy asewarî wilatêkî darûxawim Xurbet û mey çawekanme jûrekeşim çolewanî Giryan hawrê û goranîşim birînêke erxewanî Birînî min birînêke pir le janî çawerwanî Lebo zengî telefunê şepol eda herasanî Hawar le swêy mergî jwan çend girane çend girane Diroy nebê xwanekirde elêy mergî azîzane Şew têperî û ewey wîstim tawê dengî nerjane gwêm Ewey wîstim tenha tozê bay aramî nerjane gwêm Naçar çirpam tenya kird û telefunim kirde hawrêm Hawarim kird elu elu dilî mirdû çîtan ewê çîtan ewê