قادر ئەلیاسی
لە یەکەم ڕۆژی بەهار گوڵان دەم ئەکەنەوە جۆش و خرۆشی جوانی وە بیرم ئەخەنەوە نازاری، جوانی دیاردەی جوانی بەهارە دڵداری و دەزگیرانی لە لای یارا دیارە نەغمەی بولبول، قاسپەی کەو نەسیمی بەربەیانی دڵان دەخاتە ویرەی بەزم و نەزمی گۆرانی بەهار و جەژن و شادی دێنە کۆڕی دڵداری پەیمانی بەردەوامی دەبەستن بە یەکجاری هاژەی تاڤگەی ڕووباران لە دیمەنی بەهاران دڵان دەخاتە بیری دیداری تازەیاران پەیمان و بەڵێنی لە بەهارا پیرۆزە دڵداری و دەزگیرانی وەک بەهار و نەورۆزە کە داپیرەی نیشتمانم ئاڵای بوونی گەلەکەمی دایە دەستم پێی سپاردم هەتا چیا بەپێوەیە، هەتا ڕووبار بەڕێوەیە هەتا کەسێک لەم جیهانە بە زمانی کوردی بئاخێوێ دەبێ ئاڵای نیشتمانم بەرز بەرز، قورس و قایم شەکاوە بێ فیداکاری و تێکۆشانم لێوەشاوەی نەوەی ئەم چەرخەی کاوە بێ نەورۆز و بیرەوەری کورد و کاوە و سەرکەوتن دڵان دەخاتە بیری هاوپێوەندی و یەکگرتن پیرۆز بێ پیرۆز بێ بەهار و جەژنی نەورۆز پیرۆز بێ پیرۆز بێ لە کۆمەڵانی دڵسۆز
Le yekem rojî behar gulan dem ekenewe Coş û xiroşî cwanî we bîrim exenewe Nazarî, cwanî dyardey cwanî behare Dildarî û dezgîranî le lay yara dyare Nexmey bulbul, qaspey kew nesîmî berbeyanî Dilan dexate wîrey bezim û nezmî goranî Behar û cejin û şadî dêne korî dildarî Peymanî berdewamî debestin be yekcarî Hajey tavgey rûbaran le dîmenî beharan Dilan dexate bîrî dîdarî tazeyaran Peyman û belênî le behara pîroze Dildarî û dezgîranî wek behar û newroze Ke dapîrey nîştimanim alay bûnî gelekemî daye destim Pêy sipardim heta çya bepêweye, heta rûbar berêweye Heta kesêk lem cîhane be zimanî kurdî bi’axêwê Debê alay nîştimanim berz berz, qurs û qaym şekawe bê Fîdakarî û têkoşanim lêweşawey newey em çerxey kawe bê Newroz û bîrewerî kurd û kawe û serkewtin Dilan dexate bîrî hawpêwendî û yekgirtin Pîroz bê pîroz bê behar û cejnî newroz Pîroz bê pîroz bê le komelanî dilsoz