هەی مەنێ مەنێ

برایانی زێ زێ برایانی زێ زێ
شێوەزار: سۆرانی 1389
داگرتن 
هەی مەنێ مەنێ لە نواڵان مەنێ
من ماچی دەکەم ئەو پێدەکەنێ
لە خێڵی کوێخا بیچکۆلەم بدەنێ

ئەرێ هەڵخە ئامۆزا تۆ لە منت کەوێ
قەت جارێکی دی وا هەڵناکەوێ
ئەرێ مەنێ مەنێ لە نواڵان مەنێ
من ماچی دەکەم ئەو پێدەکەنێ
لە خێڵی کوێخا بیچکۆلەم بدەنێ

سەر بە هەواری خەرامانەوە
دڵ بووە بە دەریای بێ سامانەوە
خۆشە ئەو گوڵەت بێ بە ئیمانەوە

ئەرێ ئەو چۆپیکێشە چۆپی دەکێشێ
حەزرەتی غەوس هیچ کوێی نەئێشێ
ئەرێ مەنێ مەنێ لە نواڵان مەنێ
من ماچی دەکەم ئەو پێدەکەنێ
لە خێڵی کوێخا بیچکۆلەم بدەنێ

ئەرێ ئەلعان لە کوێستان دەبارێ باران
ئەدا لە گۆنای ناسک و نازداران
ئەدات لە گۆنای سیمین عوزاران
مەنێ یا مەندێ گیایەکی بەهارییە کە زۆر لە شیو و نواڵان دەڕوێت، لەبەر گرینگی خۆراکی و خۆشەویستی ئەو گیایە کورد ناوی کچیشی ناوە مەنێ .

هەی مەنێ مەنێ لە نواڵان مەنێ   درووستە بەداخەوە میکایلیش چۆن لەو وشە تێنەگەییشتووە بە جێی وشەی نواڵان یارەکەمی دەکار کردووە.
 نواڵ: نسار و شیوی داوێنی چیا 
نواڵان : جەمعی نواڵ
سەرچاوە: م. حەسەنپوور
Hey menê menê le nwalan menê
Min maçî dekem ew pêdekenê
Le xêlî kwêxa bîçkolem bidenê

Erê helxe amoza to le minit kewê
Qet carêkî dî wa helnakewê
Erê menê menê le nwalan menê
Min maçî dekem ew pêdekenê
Le xêlî kwêxa bîçkolem bidenê

Ser be hewarî xeramanewe
Dil buwe be deryay bê samanewe
Xoşe ew gulet bê be îmanewe

Erê ew çopîkêşe çopî dekêşê
Hezretî xews hîç kwêy ne’êşê
Erê menê menê le nwalan menê
Min maçî dekem ew pêdekenê
Le xêlî kwêxa bîçkolem bidenê

Erê el’an le kwêstan debarê baran
Eda le gonay nask û nazdaran
Edat le gonay sîmîn ’uzaran
Menê ya mendê gyayekî beharîye ke zor le şîw û nwalan derwêt, leber girîngî xorakî û xoşewîstî ew gyaye kurd nawî kiçîşî nawe menê .

Hey menê menê le nwalan menê dirûste bedaxewe mîkaylîş çon lew wişe tênegeyîştuwe be cêy wişey nwalan yarekemî dekar kirduwe.
 nwal: nisar û şîwî dawênî çya 
Nwalan : cem’î nwal
Serçawe: m. hesenpûr

ڕاپۆرتی هەڵە