نەجمەدین غوڵامی
ئەوا دیسان هەرای جەنگە و کوردستانم ڕوو لە خوێنە دیسان خوێنە و دڵەی سروشت دڵەی مەخلوق ڕوو لە شینە ئامان قەدەر چاوم نەزری، نیشتمان بێ و گوڵێک نەمرێ سەرم نەزری ئازادی بێ و دڵێک لەوێ، دانەچڵەکێ دەسا کوڕگەل، عاشقەگەلی کەژ و زەنوێر ورەتان بێ ئێوە شاخی ورە و هەڵویست شورای بەرزی ورەتان بێ با دووبارە گەواڵەی خوێن هەردەی ژیان نەگرێتە کۆڵ گەردەلولێ لە زوڵم و زۆر چاوی دڵمان نەگرێتە خۆڵ با دووبارە قرشی سەحرا ماسییە دێمان ئەنفال نەکا لەبەر دێیا لولەی تفەنگ دواین گوللەی بەتاڵ نەکا ڕێگە نەدەن هەرێمی گوڵ بە هەرێمی خوێناو بەرن قاسپە و دەنگی ڕۆژنامەکان بە تەڵانی سوتاو بەرن ڕێگە نەدەن ئەرخەوانی خەونی شەهید، تەرزە بیبا ئاسودەگی ئینسانەکان، جارێکی تر، گومان بیبا دەسم دامێن وەخۆکەون، با هیچ مارێ نەتانگەزێ! «هەر هەموومان لەگەڵتانین ورەتان هیچ دانەبەزێ!»
Ewa dîsan heray cenge û Kurdistanim rû le xwêne dîsan xwêne û diley siruşt diley mexluq rû le şîne aman qeder çawim nezrî, Nîştiman bê û gulêk nemrê serim nezrî azadî bê û Dilêk lewê, daneçlekê Desa kurgel, aşqegelî Kej û zenwêr wiretan bê Êwe şaxî wire û helwîst Şuray berzî wiretan bê ba dûbare gewaley xwên Herdey jiyan negrête kol gerdelulê le zulm û zor Çawî dilman negrête xol ba dûbare qirşî sehra Masîye dêman Enfal neka leber dêya luley tifeng Dwayin guley betal neka rêge neden herêmî gul Be herêmî xwênaw berin qaspe û dengî rojnamekan Be telanî sutaw berin rêge neden erxewanî Xewnî şehîd, terze bîba asudegî însanekan, Carêkî tir, guman bîba desim damên wexokewin, Ba hîç marê netangezê! «her hemûman legeltanîn Wiretan hîç danebezê!»