عەتا چاوشین
هەرچی جارێ ڕادەبری دەکوڵێ جەرگی بە خوێنم وەک باڵداری بێ لانە تەرە و بێ سەر و شوێنم تا مردن بیرم ناچی دڵداری خەمڕەوێنم هاودەمی عەشقی تۆ بووم کەسی تر نادوێنم ئەی مەڕۆ ئازیزەکەم بە تەنیا جێم مەهێڵە لەسەر تۆ ئاوارە بووم و بەجێ ماوم لەو خێڵە دین و دڵت لێ سەندووم بە زەبری چاو و ئەبرۆت کەوتوومەتە هیلاکی و چەنێ بێباکی بۆخۆت من بووم بە دیلی دەستت بەسرام بە زنجیر و کۆت هەر گوناحێ کردوومە یاڕەبی بچێ بە ئەستۆت ئەی مەڕۆ ئازیزەکەم بە تەنیا جێم مەهێڵە لەسەر تۆ ئاوارە بووم و بەجێ ماوم لەو خێڵە چەن ساڵێ خۆشم ویستی بە ئاشکرا و نهێنی پاوەن وە پا و بەڵێنی قەول و قەرار وا بوو قەت دڵم نەڕەنجێنی هیچ خوا لێت هەڵناگرێ عاشق هەڵخەڵەتێنی ئەی مەڕۆ ئازیزەکەم بە تەنیا جێم مەهێڵە لەسەر تۆ ئاوارە بووم و بەجێ ماوم لەو خێڵە پەرچەمت کرژ و لوول کرد هێناتە سەر تەوێڵێ تەفرەدانە تاکوو کەی بۆ لێم کەوتوویتە فێڵێ برژانگت وەکوو نەشتەر پەردەی دڵم ئەکێڵێ هێشتا هەر دەس بە دوعام کە خوا تۆم بۆ بهێڵێ ئەی مەڕۆ ئازیزەکەم بە تەنیا جێم مەهێڵە لەسەر تۆ ئاوارە بووم و بەجێ ماوم لەو خێڵە عەشقت وەک کۆت و زنجیر چووەتە هەردوو پێمەوە بووی بە سێبەر و سایە بە سەر جێگە و ڕێمەوە ویستم جێت بێڵم بڕۆم بۆخۆم سەر بنێمەوە ئولفەتم پێوە گرتووی هەر بۆ لای تۆ دێمەوە ئەی مەڕۆ ئازیزەکەم بە تەنیا جێم مەهێڵە لەسەر تۆ ئاوارە بووم و بەجێ ماوم لەو خێڵە
Herçî carê radebrî dekulê cergî be xwênim Wek baldarî bê lane tere û bê ser û şwênim Ta mirdin bîrim naçî dildarî xemrewênim Hawdemî ’eşqî to bûm kesî tir nadwênim Ey mero azîzekem be tenya cêm mehêle Leser to aware bûm û becê mawim lew xêle Dîn û dilit lê sendûm be zebrî çaw û ebrot Kewtûmete hîlakî û çenê bêbakî boxot Min bûm be dîlî destit besram be zincîr û kot Her gunahê kirdûme yarebî biçê be estot Ey mero azîzekem be tenya cêm mehêle Leser to aware bûm û becê mawim lew xêle Çen salê xoşim wîstî Be aşkira û nihênî Pawen we pa û belênî Qewl û qerar wa bû qet dilim nerencênî Hîç xwa lêt helnagrê ’aşiq helxeletênî Ey mero azîzekem be tenya cêm mehêle Leser to aware bûm û becê mawim lew xêle Perçemit kirj û lûl kird hênate ser tewêlê Tefredane takû key bo lêm kewtûyte fêlê Birjangit wekû neşter perdey dilim ekêlê Hêşta her des be du’am ke xwa tom bo bihêlê Ey mero azîzekem be tenya cêm mehêle Leser to aware bûm û becê mawim lew xêle ’eşqit wek kot û zincîr çuwete herdû pêmewe Bûy be sêber û saye be ser cêge û rêmewe Wîstim cêt bêlim birom boxom ser binêmewe Ulfetim pêwe girtûy her bo lay to dêmewe Ey mero azîzekem be tenya cêm mehêle Leser to aware bûm û becê mawim lew xêle