مەلا حوسێن عەبدوڵازادە
ئەی وەی ئێواران لاجان خۆشە سبحەینان بەری مێرگان خۆشە دەگەڵ یارێ بی لە کوێستانی سامڕەندان جووتێ گوارەی بۆ دەکڕم لە دوڕ و لەعل و مەرجان جا با لێوئاڵ لە گوێی کا ئاوەدان بێ شاروێران ئەی وەی کۆڵوانەسوور تۆبە بێ و چارۆکەسوور تۆبە بێ من ئەو یارەم خۆش دەوێ فێری تاوڵ و هۆبە بێ لەسەر باڵای بەرزی تۆ ئێعدامم بۆ سادر بێ ئەی وەی من حەزرتی خدری نیم هومرێکی توولانیم بێ لێقەوماو و فەقیرم هیچکەس بە دەستەم نەبێ هات ڕابرد بەژنێ باریک یاخودا بە چاوە نەبێ شەش دانگ موڵکی موکریان قوربانی ئەو چاوەت بێ ئەی وەی کۆڵوانەسوور تۆبە بێ و چارۆکەسوور تۆبە بێ من ئەو یارەم خۆش دەوێ فێری تاوڵ و هۆبە بێ لەسەر باڵای بەرزی تۆ ئێعدامم بۆ سادر بێ ئەی وەی مەشموول مەشموول پەیدا بوو خۆزگەم بەوانە پیرن بە سەربازیان نووسیوم دەمبەن بۆ قەسری شیرن خۆزگەم بەو جەحێڵانە کە دەستیان بە مەمکان گیرن ئەی وەی هەم نارنجە و هەم سێوە هاوار یا شێخی کڕێوە غەم و مەراقی یارێ ویشکی کردووم بە پێوە یاخودا نەبارێ باران تاقە گوڵەکەم بە ڕێوە دایکی مەمکی داوەتێ و کوا وەک ئەمنی خۆش پێوە یاخودا دڵی نەرم بێ ماچ کەم خاڵی ئەو لێوە ئەی وەی سنگت تەختە بۆ لاوان چۆن حاڵیت کەم بە چاوان کورتە نازدارەیەی باوان سەبرێک هەڵبێنی چاوان لەبەر ئەو سینگەت دەمرم بۆتە هەسانی ساوان پیاو ناوێرێ بیدوێنێ لەبەر فڕ و لاتاوان سەر و ماڵم دەفرۆشم بەڵکوو هەڵبێنی چاوان ئەی وەی چەن چاوەڕوانی لەیلێم عەجایب بۆچی نەهات یاڕەبی خودایە خێر کەی ئەو ڕەنجەم نەدەی بە باد یاخودا لێت مومبارەک بێ نایلۆن و کراسی ژۆژیات شەرتە ئەو گوڵەم میوانە نایەڵم سێ ڕۆژ بڕوات ئەی وەی کۆڵوانەسوور تۆبە بێ و چارۆکەسوور تۆبە بێ من ئەو یارەم خۆش دەوێ فێری تاوڵ و هۆبە بێ لەسەر باڵای بەرزی تۆ ئێعدامم بۆ سادر بێ ئەی وەی بەو سوێندە و بەو ئایەتە سینگت خامی کەڵگەتە دەبەر ئەو گەردنەت دەمرم دەڵێی بڕنووی وەسەتە خزمینە مەمکەن لۆمە بۆ باڵای جەرگم لەت لەتە سابڵاغی بە خڕی پێ بدەی هێستا نیوە قیمەتە ئەی وەی گەر یارم قەولم داتێ وەدەزانم ئەمن شام خۆ گلەیێم کرد لە یارێ نێوچاوانی لێ تێک نام هەڕەشەی کرد و ڕۆیی "دە بڕۆ نێیەوە بۆ لام!" بە قوربانی ئەو چاوەت بێڕووت و حەڵەب و شام ئەی وەی کۆڵوانەسوور تۆبە بێ و چارۆکەسوور تۆبە بێ من ئەو یارەم خۆش دەوێ فێری تاوڵ و هۆبە بێ لەسەر ئەو چاوە جوانەت با زیندانیم نۆبە بی ئەی وەی نەخۆش دەردەدارم دەردەکەم بێ دەوایە عیلاجی دەردم ناکرێ بە حەکیمی دنیایە خۆم و دڵەکەی کۆسکەوتووم کەوتمە داوی لەیلایە دایکی دەڵێی پێشکێشە منداڵە و مارەی نایە بەینەڵڵا ئەو گوڵە جوانە چاوی لەبەر هەڵنایە ئەی وەی لەبەر ئەو بەژنەت دەمرم هەڵچووە وەکوو منارە خزمینە لۆمەم مەکەن تازەم گرتووە ئەو یارە بمکوژن، بمسووتێن دەسهەڵگیر نیم لەو کارە یاخودا ئاگاداری بێ سەد جار ئەو شێخی بیارە ئەی وەی کۆڵوانەسوور تۆبە بێ و چارۆکەسوور تۆبە بێ من ئەو یارەم خۆش دەوێ فێری تاوڵ و هۆبە بێ لەسەر ئەو چاوە جوانەت با زیندانیم نۆبە بێ ئەی وەی چاوت لێڵە بۆ خەوێ باریکەی خاسەکەوێ شل دەبەستێ پشتێنێ لێم حەرام دەکا خەوێ سەرم لێی تەعجووب ماوە دانیشتووە سەر بە هەوێ ئەو گەردنە زەردەت بێنە با دەمم ڕەو خاڵت کەوێ شەرتم کردووە و دەتهێنم نەمێنێ و نانی شەوێ ئەی وەی هانێ جەرگم هەڵدڕە بە دەبان و نەشتەری چەندم جێژوان دەگەڵ کرد بەر پەنجەرە و دوودەری هێشتا لێم بووە بە ناشی دەڵێ کابرا کوێندەری یاخودا لێت ممبارەک بێ کێش و واڵ و کوودەری لەبۆ گەرمای هاوینێ بمکاتە چەتری سەری هەموو کەس دۆستی خۆی گرت من و تۆم خۆڵمان بە سەری ئەی وەی کۆڵوانەسوور تۆبە بێ، چارۆکەسوور تۆبە بێ من ئەو یارەم خۆش دەوێ فێری تاوڵ و هۆبە بێ لەسەر باڵای بەرزی تۆ با ئێعدامم سادر بێ ئەی وەی هەرچەندی من حەولم دا یار ببێ بە حەڵاڵم چ بکەم خودا نەیدامێ پشتە دەگەڵ ئیقباڵم دەگێڕم گەرمەشینێ کافر نەبینێ حاڵم لەبەر دووری و بێکەسی زۆر شەکەت و شەڵاڵم ئەی وەی کۆڵوانەسوور تۆبە بێ، چارۆکەسوور تۆبە بێ من ئەو یارەم خۆش دەوێ [فێری تاوڵ و هۆبە بێ لەسەر باڵای بەرزی تۆ ئێعدامم بۆ سادر بێ]
Ey wey êwaran lacan xoşe sibheynan berî mêrgan Xoşe degel yarê bî le kwêstanî samrendan Cûtê gwarey bo dekirim le dur û le’il û mercan Ca ba lêw’al le gwêy ka awedan bê şarwêran Ey wey kolwanesûr tobe bê û çarokesûr tobe bê Min ew yarem xoş dewê fêrî tawil û hobe bê Leser balay berzî to ê’damim bo sadir bê Ey wey min hezirtî xidrî nîm humrêkî tûlanîm bê Lêqewmaw û feqîrim hîçkes be destem nebê Hat rabird bejnê barîk yaxuda be çawe nebê Şeş dang mulkî mukiryan qurbanî ew çawet bê Ey wey kolwanesûr tobe bê û çarokesûr tobe bê Min ew yarem xoş dewê fêrî tawil û hobe bê Leser balay berzî to ê’damim bo sadir bê Ey wey meşmûl meşmûl peyda bû xozgem bewane pîrin Be serbazyan nûsîwim demben bo qesrî şîrin Xozgem bew cehêlane ke destyan be memkan gîrin Ey wey hem narince û hem sêwe hawar ya şêxî kirêwe Xem û meraqî yarê wîşkî kirdûm be pêwe Yaxuda nebarê baran taqe gulekem be rêwe Daykî memkî dawetê û kwa wek emnî xoş pêwe Yaxuda dilî nerim bê maç kem xalî ew lêwe Ey wey singit texte bo lawan çon halît kem be çawan Kurte nazdareyey bawan sebrêk helbênî çawan Leber ew sînget demirim bote hesanî sawan Pyaw nawêrê bîdwênê leber fir û latawan Ser û malim defroşim belkû helbênî çawan Ey wey çen çawerwanî leylêm ’ecayb boçî nehat Yarebî xudaye xêr key ew rencem nedey be bad Yaxuda lêt mumbarek bê naylon û kirasî jojyat Şerte ew gulem mîwane nayelim sê roj birwat Ey wey kolwanesûr tobe bê û çarokesûr tobe bê Min ew yarem xoş dewê fêrî tawil û hobe bê Leser balay berzî to ê’damim bo sadir bê Ey wey bew swênde û bew ayete sîngit xamî kelgete Deber ew gerdinet demirim delêy birnûy wesete Xizmîne memken lome bo balay cergim let lete Sablaxî be xirî pê bidey hêsta nîwe qîmete Ey wey ger yarim qewlim datê wedezanim emin şam Xo gileyêm kird le yarê nêwçawanî lê têk nam Hereşey kird û royî "de biro nêyewe bo lam!" Be qurbanî ew çawet bêrût û heleb û şam Ey wey kolwanesûr tobe bê û çarokesûr tobe bê Min ew yarem xoş dewê fêrî tawil û hobe bê Leser ew çawe cwanet ba zîndanîm nobe bî Ey wey nexoş derdedarim derdekem bê dewaye ’îlacî derdim nakirê be hekîmî dinyaye Xom û dilekey koskewtûm kewtime dawî leylaye Daykî delêy pêşkêşe mindale û marey naye Beynella ew gule cwane çawî leber helnaye Ey wey leber ew bejnet demirim helçuwe wekû minare Xizmîne lomem meken tazem girtuwe ew yare Bimkujin, bimsûtên deshelgîr nîm lew kare Yaxuda agadarî bê sed car ew şêxî byare Ey wey kolwanesûr tobe bê û çarokesûr tobe bê Min ew yarem xoş dewê fêrî tawil û hobe bê Leser ew çawe cwanet ba zîndanîm nobe bê Ey wey çawit lêle bo xewê barîkey xasekewê Şil debestê piştênê lêm heram deka xewê Serim lêy te’cûb mawe danîştuwe ser be hewê Ew gerdine zerdet bêne ba demim rew xalit kewê Şertim kirduwe û dethênim nemênê û nanî şewê Ey wey hanê cergim heldire be deban û neşterî Çendim cêjwan degel kird ber pencere û dûderî Hêşta lêm buwe be naşî delê kabra kwênderî Yaxuda lêt mimbarek bê kêş û wal û kûderî Lebo germay hawînê bimkate çetrî serî Hemû kes dostî xoy girt min û tom xolman be serî Ey wey kolwanesûr tobe bê, çarokesûr tobe bê Min ew yarem xoş dewê fêrî tawil û hobe bê Leser balay berzî to ba ê’damim sadir bê Ey wey herçendî min hewlim da yar bibê be helalim Çibkem xuda neydamê pişte degel îqbalim Degêrim germeşînê kafir nebînê halim Leber dûrî û bêkesî zor şeket û şelalim Ey wey kolwanesûr tobe bê, çarokesûr tobe bê Min ew yarem xoş dewê [fêrî tawil û hobe bê Leser balay berzî to ê’damim bo sadir bê]