شۆڕش ئەبوبەکری
مەلی کوێستانی بەرزم شاخەوانم هەڵۆی شاخم لە بەرزی پاسەوانم ورەی بەرزیم دەڵێ هەر بەرزەفڕ بم لەسەر ئاوات و ئامانجم مکوڕ بم بە سەرما و بە گەرما و بەفر و تەرزە دەپێوم ڕێ بەرەو ئەو لوتکە بەرزە لە بەرزایی دەڕوانم من لە نێویان لە باغ و کێڵگە و سەوزایی زەویان لەگەڵ هەورازی سەرکەوتووم لە هەوراز لە لوتکەی کێو لەگەڵ هەور بوومە بە هاوڕاز لەگەڵ موقبیل گەوە و وەرزم بڕیوە سروودی چیام لەسەر قەندیل چڕیوە گەلێک جاران لە هەوران تێپەڕیوم لە لوتکە بۆ گەل و زێدم چڕیوم لەمێژە دوند و لوتکە بۆتە پێگەم تەم و مژ ناتوانێ بگرێ ڕێگەم لەسەر دوندی هیمالایا و دەماوەند دەگێڕم کۆڕی هەڵپەڕکێ و زەماوەند لە بەرزایی گەلێ سەرمەست و شادم هەڤاڵانی لەدەستچووم دێنە یادم مەلی کوێستانی بەرزم شاخەوانم هەڵۆی شاخم لە بەرزی پاسەوانم ورەی بەرزیم دەڵێ هەر بەرزەفڕ بم لەسەر ئاوات و ئامانجم مکوڕ بم
Melî kwêstanî berzim şaxewanim Heloy şaxim le berzî pasewanim Wirey berzîm delê her berzefir bim Leser awat û amancim mikur bim Be serma û be germa û befir û terze Depêwim rê berew ew lutke berze Le berzayî derwanim min le nêwyan Le bax û kêlge û sewzayî zewyan Legel hewrazî serkewtûm le hewraz Le lutkey kêw legel hewr bûme be hawraz Legel muqbîl gewe û werzim birîwe Sirûdî çyam leser qendîl çirîwe Gelêk caran le hewran têperîwim Le lutke bo gel û zêdim çirîwim Lemêje dund û lutke bote pêgem Tem û mij natwanê bigrê rêgem Leser dundî hîmalaya û demawend Degêrim korî helperkê û zemawend Le berzayî gelê sermest û şadim Hevalanî ledestiçûm dêne yadim Melî kwêstanî berzim şaxewanim Heloy şaxim le berzî pasewanim Wirey berzîm delê her berzefir bim Leser awat û amancim mikur bim