ئەو ماڵەی هەمە جوانێ گیان نەزری ئەڵڵا بێ
بەڵکو کۆچەکەت نازەنین بەرەو دوا بێ
یارەکەی شۆخ و شەنگم گیانەکەم فاتم
گەرچی کە من لە کنت نەبم بە دڵ لە لاتم
شەرت بێ تا دەمرم جوانێ گیان بە دڵ بۆت بگریم
تا ناڵەم بڕوا نازەنین بۆ عەرشی عەزیم
یارەکەی شۆخ و شەنگم گیانم کەژاڵێ
هەستە با بڕۆین جوانێ بەجێ بێڵین ماڵێ
پێناودارم بی* جوانێ گیان بۆ وات لێ کردم
بەزەیێکت بێ نازەنین بە رەنگی زەردم
یارەکەی شۆخ و شەنگم گیانەکەم فاتم
گەرچی کە من لە کنت نەبم بە دڵ لە لاتم
هەر تۆبەیک دەیکەم جوانێ گیان تۆبەی من فێڵە
گەر ڕەنگم پیرە جوانێ گیان دڵەکەم جحێڵە
یارەکەی شۆخ و شەنگم گیانەکەم فاتم
گەرچی کە من لە کنت نەبم بە دڵ لە لاتم
هەی دڵە ناشاد بی جوانێ گیان ناشادت کردم
جا دڵە ناشاد بی ئەی هاوار ناشادی کردم
محتاج بە دۆستی جوانێ گیان نامەردی کردم
یارەکەی شۆخ و شەنگم گیانم کەژاڵێ
هەستە با بڕۆین جوانێ بەجێ بێڵین ماڵێ