ئەیووب عەلی
وتم سڵاو خاڵۆی جووتیار بۆ وا خەمبار و دەستەوئەژنۆ لە سێبەری پیرەدارا دانیشتووی؟ بۆچی زەوییەکەت ناکێڵی؟ خۆ وەرزی کێڵان هاتووە! وتی ڕۆڵە گیان ناوێرم! دەستم تێی ناچێ بیکێڵم نا نا نا... نایکێڵم! ئەڵێم نەوەک لە ژێر کێڵگەکەی منیشدا گۆڕێکی بە کۆمەڵ هەبێ ئێسک و پروسکیان بشێلم نا نا نا... ڕۆڵە نایکێڵم! لە کوردستان گوندێک نییە شارێک نییە شارۆچکەیەک، بنار شاخ و بەردێک نییە خوێنی لەسەر نەڕێژرا بێت پێشمەرگەی تیا نەجەنگا بێت گۆڕستانێک نایەتە ڕێت سەدان شەهیدی ئەم گەلە بە خاکەکەی نەسپێردرا بێت هەر بستێکی ئەم خاکە پیرۆزەی کوردان ڕەنگە گۆڕی کۆرپەیەکی بێتاوان بێت ژێر هەر کۆشک و تەلارێکیش هەر دەشتایی و بنار شاخێکیش پڕ لە تەرم و ئێسک و پروسکی ورد بێ ڕەنگە گۆڕێکی بە کۆمەڵی کورد بێ ڕەنگە گۆڕێکی بە کۆمەڵی کورد بێ
Witim silaw xaloy cûtyar Bo wa xembar û destew’ejno le sêberî pîredara danîştûy? Boçî zewîyeket nakêlî? xo werzî kêlan hatuwe! Witî role gyan nawêrim! Destim têy naçê bîkêlim Na na na... naykêlim! Elêm newek le jêr kêlgekey minîşda gorêkî be komel hebê Êsk û piruskyan bişêlim Na na na... role naykêlim! Le kurdistan gundêk nîye Şarêk nîye Şaroçkeyek, binar şax û berdêk nîye Xwênî leser nerêjra bêt Pêşmergey tya necenga bêt Goristanêk nayete rêt sedan şehîdî em gele be xakekey nespêrdira bêt Her bistêkî em xake pîrozey kurdan renge gorî korpeyekî bêtawan bêt Jêr her koşk û telarêkîş Her deştayî û binar şaxêkîş Pir le term û êsk û piruskî wird bê Renge gorêkî be komelî kurd bê Renge gorêkî be komelî kurd bê