خالید ڕەشید
سەرمای گەلێ شارانم دی بەڵام پەنجەم لە گۆ نەچوون چونکە سەرمای هەموو جێیە تیشکی ڕۆژی نیشتیمانی منی تیایە گەرمای گەلێ شارانم دی بەڵام گیانم وەڕس نەبوو چونکە گەرمای هەموو جێیە سروەیەکی نیشتیمانی منی تیایە چاوی کچی ئەوروپایی گەر شینیش بێ خۆشم ئەوێن وا تێدەگەم شینترین چاو سەوزترین چاو لەم دونیایە تۆزێ ڕەشیی چاوی کچی نیشتیمانی منی تیایە نیشتیمانم تۆ وەک تانەی، تۆ وەک تانەی لەسەر چاوم تۆ وەک تەمی لە گشت لاوە، لە گشت لاوە دەورەت داوم تۆ ئاوێنەی لە ناو تۆدا هەموو دونیا بەدی ئەکەم تۆ تەیمانی بە هۆی تۆوە هیچ نابینم نە کەل دەبینم نە زەوی، نەخوا دەبینم نە ئاسمان جا نازانم نیشتیمانم نە جیهان وەک تۆ بچووکە نە تۆش گەورەی بەقەد جیهان
Sermay gelê şaranim dî Belam pencem le go neçûn Çunke sermay hemû cêye Tîşkî rojî nîştîmanî minî tiyaye Germay gelê şaranim dî Belam giyanim weris nebû Çunke germay hemû cêye Sirweyekî nîştîmanî minî tiyaye Çawî kiçî ewrupayî ger şînîş bê xoşim ewên Wa têdegem şîntirîn çaw sewztirîn çaw lem dunyaye Tozê reşîy çawî kçî nîştîmanî minî tyaye Nîştîmanim to wek taney, to wek taney leser çawim To wek temî le gişt lawe, le gişt lawe dewret dawim To awêney le naw toda hemû dunya bedî ekem To teymanî be hoy towe hîç nabînim Ne kel debînim ne zewî, nexwa debînim ne asman Ca nazanim nîştîmanim ne cîhan wek to biçûke Ne toş gewrey beqed cîhan