عەلی ئوڵفەتی
هەی باز بەرز سەرکەشەیل لەی ناو گڵاڵەیلە چوە کەید؟ کەس لەێرە هاوبازد نیە لێی ناو مڵاڵەیلە چوە کەید؟ یەی جارتر باڵەو بگر شەیو واڵ ئەورەگان بدڕ داڵاوخوەری وە پید نیەتێد لەی ناو داڵەیلە چوە کەید؟ قیژەی بکە تا سڵم شەو بشکی لەناو مانگەشەو بەو بەر وە گورگ شەو بخە لەی ناو خەزاڵەیلە چوە کەید؟ حەێفد نیەکەن ک یەی قڵای گەزگەز ئەڕاد باڵا بکەێد یانە بڕی زیقاوخوەن، لەی ناو چەتاڵەیلە چوە کەید؟ هۊچ کەس لەوای ت پی نیەتێد، دی بۊدەسە پەن وڵات هەی کەێخوداگەی ئاسمان لەی ناو گەناڵەیلە چوە کەید؟ کوورکوورەکەیل دزمەوەر دەسد لە کەوکەوین بڕین برق چەود چۊ بێنزە، لەی بەرقەچاڵەیلە چوە کەید؟ بەو تا بچیم تا ئاسمان تا بان تەخت ئەورەگان ئێ خاکە دی ئاخرشەڕە، لەی وشکەساڵەیلە چوە کەید؟
Hey baz berz serkeşeyl ley naw gilaleyle çwe keyd? Kes لەێرە hawbazd nye lêy naw milaleyle çwe keyd? Yey cartir balew bigir şeyu wal ewregan bidir Dalawxiwerî we pîd nyetêd ley naw daleyle çwe keyd? Qîjey bike ta silim şew bişkî lenaw mangeşew Bew ber we gurg şew bixe ley naw xezaleyle çwe keyd? حەێفد nyeken k yey qilay gezgez erad bala بکەێد Yane birî zîqawxiwen, ley naw çetaleyle çwe keyd? Hüç kes leway t pî nyetêd, dî büdese pen wilat Hey کەێخûداگەی asman ley naw genaleyle çwe keyd? Kûrkûrekeyl dizmewer desd le kewkewîn birîn Birq çewd çü bênze, ley berqeçaleyle çwe keyd? Bew ta biçîm ta asman ta ban text ewregan Ê xake dî axirşere, ley wişkesaleyle çwe keyd?