عەلی ئوڵفەتی
گوڵێروو! هەی هناس پڕ لە ئاخم کولانیدەو دڵ پڕ دەرد و داخم ساڵ وە ساڵی شەیو سفیدی کەیدە وەر ئێ وەهار مردێیە دەیدن لە وەر داڵگ پیر وەهار دادەی لە شین سەرسوارەیل بی خەوەر دی لەێرە چین گەردەتۊچان تەرم گوڵ نایە لە شان پڕ لە شیتەی شینکەرەیلە کۊچەگان گوڵێروو! هەی گوڵ ناز بێدەنگم ساڵێیارە پڕ لە ڕاز دڵتەنگم نەرمەواران وەهارم هەر خوەدی سختەزار گوڵ وە بارم هەر خوەدی ئەر کەسێگ لەیرە نەمەنیە ت بمین چەومەسێگ لەێرە نەمەنیە ت بمین سام داخ گەرمەسێرە هایدە کوو؟ وەیل و تەنیا هامە ئێرە هایدە کوو؟ تنیش چۊ م خەریو مانگ و ساڵی ت تەنیا دڵخوەشی ناو وەرد و کاڵی وە خەنیند شوون خەم لەیرە بکەن من ئەگەر گیرم لە ئیرە ت بخەن
Gulêrû! hey hinas pir le axim Kulanîdew dil pir derd û daxim Sal we salî şeyu sifîdî keyde wer Ê wehar mirdêye deydin le wer Dalg pîr wehar dadey le şîn Sersiwareyl bî xewer dî لەێرە çîn Gerdetüçan term gul naye le şan Pir le şîtey şînkereyle küçegan Gulêrû! hey gul naz bêdengim Salêyare pir le raz diltengim Nermewaran weharim her xwedî Sixtezar gul we barim her xwedî Er kesêg leyre nemenye t bimîn Çewmesêg لەێرە nemenye t bimîn Sam dax germesêre hayde kû? Weyl û tenya hame êre hayde kû? Tinîş çü m xerîw mang û salî T tenya dilxiweşî naw werd û kalî We xenînd şûn xem leyre biken Min eger gîrim le îre t bixen