عەلی ئوڵفەتی
لە ئەو ڕووژە، ک دەلیا بۊن چەوەیلد چراخ ماڵ تەنیا بۊن چەوەیلد چە گووشەماسیی چەرمێ جەمەو بۊد چەنی سووڵی لە ئاو دەلیا کەمەو بۊد مەل دەلیائییگ پەشتیایودە مەوجا پراشەی مەوجەگان سەر نایونە ئەوجا م بێکەستر لە ت ئەو ساڵە کەس نەیم دڕا بۊدن دەسد ئەما م دەس نەیم ئەسیر بێدەنگ دەلیایون چەوەیلد ئەزیز م چەنی تەنیایون چەوەیلد م زانم جوور م تەنیا مریدن وە کام وشک لە لۊ دەلیا مریدن لە قۊلای ئاو دەلیاگان نیەترسی لە ماسی راز دەلیاگان نیەترسی
Le ew rûje, k delya bün çeweylid Çirax mal tenya bün çeweylid Çe gûşemasîy çermê cemew büd Çenî sûlî le aw delya kemew büd Mel delya’îyg peştyaywide mewca Piraşey mewcegan ser naywine ewca M bêkestir le t ew sale kes neym Dira büdn desd ema m des neym Esîr bêdeng delyayun çeweylid Ezîz m çenî tenyayun çeweylid M zanim cûr m tenya mirîdin We kam wişk le lü delya mirîdin Le qülay aw delyagan nyetirsî Le masî raz delyagan nyetirsî