دۊیەتێ باڵابەرزێ ناودەروەنی
وە چاوێ سیەی شیتم کەردەنی
شەو دیم نیشتییە لەسەرێ کەنی
وە ئشوە و وە ناز وە پیم وەتەنی
ئای تۆ دەس نەیە وە سەروەنم
لام بووڕن ئەڕای کەنگەری کەنم
وەتم ئەی سەوزە جواوم مەکە
لەی دێ و دیار تۆ خارم نەکە
تا ئەبەد هەر خوەم وەفادارتم
وەت لەی قسەی تۆ دڵم ناو شەکە
ئای تۆ دەس نەیە وە سەروەنم
لام بووڕن ئەڕای کەنگەری کەنم
ئەڕا قسێی من تۆ باوەڕ نیەکەی
دەردێ هجرانم مداوا نیەکەی
وەت عشقێگ نەۊنم لەی دونیا پاک بوود
مەگەر ئەو عشقە لە ژیرێ خاک بوود
ئای تۆ دەس نەیە وە سەروەنم
لام بووڕن ئەڕای کەنگەری کەنم
ئاخر هەر جوور بی چاوی خستە بان
وە تیرێ موژگان، وە ئەبرووی کەمان
وە سەد ئشارە و ئیما وە پیم وەت
بەوە نواتر یارێ مێهرەبان
ئای تۆ دەس نەیە وە سەروەنم
لام بووڕن ئەڕای کەنگەری کەنم