ئەمین گەردیگلانی
ڕۆژی زانین و ئەوینە و یادی مامۆستا دەکەم گیان و دڵ تێکەڵ شەپۆلی باوەڕی دەریا دەکەم من قوتابیی مەکتەبی تیشکم، قوتابخانەم هەتاو دەرسی ڕووناکی دەخوێنم، سەر فیدای ئاڵا دەکەم پەنجەکانم دەبنە هێلانەی مەلی سەوزی قەڵەم هەڵفڕین فێری خەیاڵم بۆ هەموو دنیا، دەکەم ڕازی چاوی ڕوونی کانی و خاکی تینوو فێر دەبم چەشنی شەتڵی شلکی سەر دێراوی ژین باڵا دەکەم گوڵوشەی سەر پەلکی کوڵمی سوورەگوڵ دەخوێنمەوە سروە ئاسا باوەشم بۆ باخی گوڵ واڵا دەکەم دەچمە بەر نووری حوزووری سەوزی مامۆستا و دەڵێم: من لە تاڤگەی تیشکی زانینت بە سەر دڵدا دەکەم دەستی تۆ مێعراجی هەستە و خۆرە بیری ڕۆشنت هەر لە چاوی تۆ چرای ڕێتاری ژین داوا دەکەم گشت بەیانێکم بە زەردەی تۆ شەوی ڕەش لادەچێ بۆیە خۆر هەر کاتێ هەڵدێ یادی مامۆستا دەکەم
Rojî zanîn û ewîne û yadî mamosta dekem Gyan û dil têkel şepolî bawerî derya dekem Min qutabîy mektebî tîşkim, qutabxanem hetaw Dersî rûnakî dexwênim, ser fîday ala dekem Pencekanim debne hêlaney melî sewzî qelem Helfirîn fêrî xeyalim bo hemû dinya, dekem Razî çawî rûnî kanî û xakî tînû fêr debim Çeşnî şetlî şilkî ser dêrawî jîn bala dekem Guluşey ser pelkî kulmî sûregul dexwênmewe Sirwe asa baweşim bo baxî gul wala dekem Deçme ber nûrî huzûrî sewzî mamosta û delêm: Min le tavgey tîşkî zanînit be ser dilda dekem Destî to mê’racî heste û xore bîrî roşinit Her le çawî to çiray rêtarî jîn dawa dekem Gişt beyanêkim be zerdey to şewî reş ladeçê Boye xor her katê heldê yadî mamosta dekem